රෂිකා හෙන්නායක මාර්තු 31, කොළඹ LNW :
ශ්රී ලංකාවේ විස්තීර්ණ අරමුදල් පහසුකම් (EFF) වැඩසටහන යටතේ පස්වන සහ හයවන සමාලෝචන සිදු කිරීම සඳහා ජාත්යන්තර මූල්ය අරමුදලේ (IMF) නියෝජිත පිරිසක් දිවයිනට පැමිණ සිටිති.
ඒ අනුව, ජනාධිපතිවරයා ඇතුළු ඉහළ පෙළේ රාජ්ය නිලධාරීන් සහ දේශපාලන නායකයන් සමඟ සාකච්ඡා පවත්වන මෙම කණ්ඩායම, ආර්ථික ප්රතිසංස්කරණවල ප්රගතිය විමසා බැලීමට බස්නාහිර පළාතෙන් බැහැර ප්රදේශවල ද සංචාරය කිරීමට නියමිතය.
මෙම සමාලෝචන සාර්ථකව අවසන් වුවහොත් ශ්රී ලංකාවට ඇමරිකානු ඩොලර් මිලියන 700 කට ආසන්න මූල්ය වාරිකයක් නිදහස් වනු ඇත.
ණය තිරසාරභාවය සහ මූල්ය පද්ධතියේ ස්ථායීතාව වැනි ප්රධාන කරුණු කෙරෙහි මෙහිදී අවධානය යොමු වන අතර, සමාජ ආරක්ෂණය සහ පුරවැසියන්ගේ ආර්ථික තත්ත්වය ඉහළ නැංවීම මෙම වැඩසටහනේ ප්රමුඛ අරමුණක් ලෙස හඳුනාගෙන තිබේ.
ස්වභාවික විපත් සහ ගෝලීය යුද ගැටුම් මධ්යයේ වුවද, ශ්රී ලංකාව අදාළ මූල්ය වැඩසටහන තුළ සැලකිය යුතු ප්රගතියක් අත්පත් කරගෙන ඇති බව ද පෙන්වා දෙයි. මෙම සමස්ත ක්රියාවලිය හරහා 2027 වසර දක්වා දිවෙන ශ්රී ලංකාවේ ආර්ථික ස්ථාවරත්වයේ ගමන් මඟ තවදුරටත් ශක්තිමත් කිරීමට මෙමඟින් අපේක්ෂා කෙරේ.
The post ශ්රී ලංකාවේ EFF සමාලෝචනය සඳහා IMF සාකච්ඡා… appeared first on LNW Sinhala.
Saru News
