රජයේ ඉඩමක් අධි ආදායම්ලාභී පුද්ගලයන් වෙත ගොවි පන්තිය යටතේ ලබාදීමට ව්යාජ ආදායම් සහතිකයක් නිකුත් කිරීම සම්බන්ධයෙන් විශ්රාමික ග්රාම නිලධාරිවරයෙකු අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගෙන ඇත.
සැකකරු අද (30) අත්අඩංගුවට ගෙන ඇති අතර, ඔහු විසින් තම ධූර බලය භාවිත කර ව්යාජ ආදායම් සහතිකයක් නිකුත් කිරීම මගින් රජයට රුපියල් 10,625,000ක පාඩුවක් සිදු කර ඇති බව විමර්ශනවලදී අනාවරණය වී ඇත.
එමෙන්ම, මෙම ක්රියාව මගින් බාහිර පාර්ශ්වයකට අයථා වාසි ලබාදී ඇති බවද සඳහන් වේ.
අත්අඩංගුවට ගත් සැකකරු කොළඹ ප්රධාන මහේස්ත්රාත් අධිකරණය වෙත ඉදිරිපත් කිරීමෙන් අනතුරුව ඇප මත මුදා හැර තිබේ.
Saru News
