ගුවන් සීමා වැසීම සහ ගුවන්තොටුපළ මෙහෙයුම් අඩාල වීම හේතුවෙන් ගල්ෆ් කලාපය පුරා සිරවී සිටින සංචාරකයින් සඳහා සෞදි අරාබිය තීරණාත්මක වීසා සහනයක් ලබා දී තිබේ.
කටාර් සහ කුවේට් රාජ්යයන් අනුගමනය කරමින්, සෞදි රජය ද නියමිත කාලය ඉක්මවා යන වීසා බලපත්ර සඳහා දඩ මුදල් ලිහිල් කිරීමට සහ කාලය දීර්ඝ කිරීමට පියවර ගෙන ඇති බව වාර්තා වේ.
ඉරානය, ඊශ්රායලය සහ කලාපීය මිත්ර පාර්ශවයන් අතර පවතින ගැටුම් හේතුවෙන් ගුවන් සේවා අඩාල වී ඇති පසුබිමක, ගල්ෆ් සහයෝගිතා කවුන්සිලයේ රටවල් මෙම සහන ලබා දී ඇත.
2026 පෙබරවාරි අග භාගයේ සිට දෝහා, කුවේට් සිටි මෙන්ම සෞදියේ ජෙඩා, රියාද් සහ දම්මාම් වැනි ප්රධාන ගුවන්තොටුපළ හරහා සිදුවන ගුවන් ගමන් අවලංගු වීම් සහ වෙනත් මංමාවත් වෙත යොමු කිරීම් සීඝ්රයෙන් ඉහළ ගොස් ඇත.
බොහෝ සංචාරකයින් කෙටි කාලීන සංචාරක වීසා මත පැමිණ සිටි අතර, පවතින හදිසි තත්ත්වය හමුවේ ඔවුන්ගේ වීසා බලපත්ර කල් ඉකුත් වීමේ අවදානමට ලක්ව තිබුණි.
මෙම තත්ත්වය හිතාමතා සිදුකළ නීති උල්ලංඝනය කිරීමක් ලෙස නොව, හදිසි අවස්ථාවක් ලෙස සලකා කටයුතු කිරීමට ගල්ෆ් කලාපීය බලධාරීන් තීරණය කර ඇත.
කටාර් රාජ්යයේ දෝහා හමාඩ් ජාත්යන්තර ගුවන්තොටුපළේ කටයුතු සීමා වීමත් සමඟ, 2026 පෙබරවාරි 28 දින වන විට කල් ඉකුත් වූ හෝ ඉකුත් වීමට නියමිතව තිබූ සියලුම වර්ගයේ වීසා බලපත්ර සඳහා මාසයක ස්වයංක්රීය සහන කාලයක් ලබා දී තිබේ.
කුවේට් රාජ්යයයේ කුවේට් ජාත්යන්තර ගුවන්තොටුපළ ආශ්රිතව සිදුවූ ඩ්රෝන ප්රහාර සහ ගුවන් ගමන් අවලංගු වීම් හේතුවෙන්, විදේශීය පදිංචිකරුවන් සහ සංචාරකයින් සඳහා මාස තුනක සහන කාලයක් ලබා දීමට පියවර ගෙන තිබේ.
අසල්වැසි රටවලින් පැමිණෙන මගීන් සහ ගොඩබිම් මාර්ගයෙන් ඉවත් වන්නන් හේතුවෙන් සෞදි අරාබියේ ගුවන්තොටුපළ සහ දේශසීමා වෙත දැඩි පීඩනයක් එල්ල වී ඇත.
මෙහිදී සිරවී සිටින විදේශිකයන්ට සහ මගීන්ට සහනයක් ලෙස, ගුවන් ගමන් අවලංගු වීම් නිසා පිටව යාමට නොහැකි වූ පිරිස් සඳහා වීසා ගාස්තු නිදහස් කිරීමට සහ කාලසීමාවන් දීර්ඝ කිරීමට සෞදි බලධාරීන් කටයුතු කර ඇත.
මීට සමාන සහන මීට පෙර ශ්රී ලංකාව සහ ඉන්දියාව වැනි රටවල් ද මැදපෙරදිග අර්බුදය නිසා සිරවී සිටින සංචාරකයින් වෙනුවෙන් හඳුන්වා දී තිබුණි.
Saru News
