ඉන්දියාවේදී අත්අඩංගුවට පත් වූ මහා පරිමාණ මත්ද්රව්ය ජාවාරම්කරුවකු මෙන්ම, ඝාතන සිද්ධි රැසකට පොලීසියට අවශ්යව සිටින ජනිත් මධුසංඛ නොහොත් “පොඩි ලැසී” හෙට (27) අලුයම මෙරටට රැගෙන ඒමට නියමිතයි.
අධිකරණයෙන් ඇප ලැබීමෙන් පසුව අතුරුදන්ව සිටි මහා පරිමාණ මත්ද්රව්ය ජාවාරම්කරුවෙකු සහ සංවිධානාත්මක අපරාධකරුවෙකු වන ජනිත් මධුසංඛ හෙවත් පොඩි ලැසී 2024 වසරේදී ඇප ලබාගෙන ඉන්දියාවට පලාගොස් තිබුණි.
ඇප හිමිවීමෙන් අනතුරුව ඔහු අධිකරණ භූමියෙන් පිටව ගියේ නීතීඥවරයෙකුගේම මෝටර් රථයකින්ය.
අනතුරුව ඔහු ඉන්දියාවේ, මුම්බායිහීදී 2025 වසරේ ජනාවාරි මාසයේදී අත්අඩංගුවට ගැනුණි.
ඊයේ දිනයේදී අපරාධ පරීක්ෂණ දෙපාර්තමේන්තුවේ නිලධාරීන් දෙදෙනෙකු ඉන්දියාවට ගොස් ඇති අතර ඔහු හෙට (27) අලුයම දිවයිනට රැගෙන ඒමට නියමිත බව වෙයි.
Saru News
