දරුවෙකු මෙලොවට බිහි වීමෙන් පසු මුල්ම හා කෙටිම අවධිය නවජාත කාලය ලෙස ආයුර්වේද ශාස්ත්‍රයේ හඳුන්වයි. මෙම නවජාත අවස්ථාව කොටස් 02 යුක්තයි.
එනම්, ළදරුවා :
යන කාර්යයන් සිදු කර ගත යුතුය. මෙම කාලය තුළදී ළදරුවා රෝග පීඩාවලට භාජනය වීමේ හැකියාව වැඩිය. එබැවින් පාරිසරික විෂමතා, විපත් රෝග කාරක හේතු ආදියෙන් වළක්වා ළදරුවා ආරක‍ෂා කරගත යුතුය.
ඒ සඳහා අයුර්වේද ශාස්ත්‍රය තුළ සඳහන් ශාස්ත්‍රීය කරුණු පහත පරිදි වේ.
දරුවාගේ අවශ්‍ය සියලූම සැප පහසුකම් සහිතව දරුවා වෙනුවෙන්ම වෙන් වූ ආරක‍ෂාකාරී ස්ථානය (කාමරය) කුමාරාගාරය ලෙස හඳුන්වයි.
ආයුර්වේද ශාස්ත්‍රීය ග්‍රන‍ථවල දක්වා ඇත්තේ එය අඳුරු රහිතව, තද සුළං නැතිව එක් පැත්තකින් පමණක් සුළං ඇතුළට එන පරිදි දර්ශනයට සුන්දර ස්ථානයක් සකසන ලෙසයි. වර්ණවත් රූප හෝ දර්ශන දිස්වීමට තිබීමෙන් දරුවාට ඒවා දර්ශනය වීමෙන් දරුවාගේ බුද්ධි වර්ධනයට ඉවහල් වේ.
මෙයින් බලාපොරොත්තු වනුයේ දරුවා විවිධාකාර රෝගාබාධවලින් වළක්වා සෞඛ්‍ය සම්පන්න බව ඇති කිරීම සඳහා ගත යුතු පියවරයි.
අබ, වද කහ, පෙරුම්කාය, ගුගුල්, සුවඳ කොට්ටම්, සුදු ළුෑණු, අති විඩයං ආදී ද්‍රව්‍ය වලින් දුම් ඇල්ලීමද එම ඖෂධ ද්‍රව්‍ය වලින් සෑදූ ඖෂධ පොට්ටනි එල්ලා තැබීමද සිදු කල හැක.
දුම් ඇල්ලීම කාමරයට මෙන්ම මවගේත් දරුවාගේත් ඇඳුම් වලටද සිදු කිරීම වැදගත් වේ.මෙම ක්‍රියා මගින් රෝග කාරක විෂබීජ ඉවත් වීමෙන් දරුවාත් මවත් ආරක‍ෂා වේ.
ආයුර්වේද වෛද්‍ය ක්‍රමයට අනුව සති දෙකක් වයසැති දරුවාට රත කල්කය ලබාදීම ඔහුගේ ප්‍රතිශක්තිය වර්ධනය කිරීමට මෙන්ම ප්‍රයෝජන රාශියකට ඉවහල් වේ. වර්තමානයේ රත කල්කය ලබාදීමට බොහෝ මව්වරුන් බිය වී ඇති අතර ඔවුන්ද රත කල්කය ලබාගත් බව අමතක වීම කණගාටුවට කරුණක් වේ.
තවද වර්තමානයේ භාවිතා කරන ප්‍රතිශක්තීකරණ එන්නත් නියමිත වේලාවට ලබාදීමද වැදගත් වේ.
ළදරුවා ඉපදීමෙන් පසු ලබාදෙන ප්‍රථම ආහාර වේල මව්කිරිය. අතීතයේ මව්වරු රන් කිරි කටගෑම ලෙස පිරිසිදු මී පැණී හා පිරිසිදු ගිතෙල්, රත් රන් පිටි මව්කිරි සමග මිශ්‍ර කර දරුවාට උරා බීමට සලස්වා ඇත.
නවජාත දරුවාට පළමු දින සිට හය වන මාසය දක්වා මව්කිරි අඛණ්ඩව ලබාදීම අත්‍යාවශ්‍ය වේ.
Saru FM Media
