2026 වසරේ ගතවූ කාලය තුළ දිවයිනට පැමිණි විදෙස් සංචාරකයින් සංඛ්යාව 500,000 සීමාව ඉක්මවා ගොස් ඇති බව ශ්රී ලංකා සංචාරක සංවර්ධන අධිකාරිය පවසයි.
එම අධිකාරිය සඳහන් කළේ ජනවාරි 01 සිට පෙබරවාරි 22 දක්වා කාලය තුළ සංචාරකයින් 505,751 දෙනෙකු මෙරටට පැමිණ ඇති බවයි.
2026 පෙබරවාරි 01 සිට 22 දක්වා කාලය තුළ පමණක් සංචාරකයින් 228,424 දෙනෙකු ශ්රී ලංකාවට පැමිණ ඇති බව සංඛ්යාලේඛන අනාවරණය කරයි.
පෙබරවාරි මාසයේ ගෙවී ගිය සති තුන තුළ සෑම සතියකම සංචාරක පැමිණීම් 70,000 සීමාව ඉක්මවා තිබීම විශේෂත්වයකි. එහිදී පළමු සතියේ 70,355ක්, දෙවන සතියේ 77,870ක් සහ තෙවන සතියේ 71,101ක් ලෙස වාර්තා වී ඇත.
සංචාරකයින් අතර වැඩිම පිරිස ඉන්දියාව සිට පැමිණි අතර, එම සංඛ්යාව 89,277ක් ලෙස සටහන් වේ. එමෙන්ම එක්සත් රාජධානිය 55,407, රුසියාව 45,351, ජර්මනිය 35,413 සහ චීනය 31,621 යන රටවලින් ද සැලකිය යුතු සංචාරකයින් පිරිසක් පැමිණ තිබේ.
ඊට අමතරව ප්රංශය, ඔස්ට්රේලියාව සහ නෙදර්ලන්තය ඇතුළු රටවලින් ද විශාල සංචාරකයින් පිරිසක් මෙරටට පැමිණ ඇති බව අධිකාරිය වැඩිදුරටත් සඳහන් කරයි.
Saru News
