2025 රාජ්‍ය නාට්‍ය උලෙළේ සම්මාන ප්‍රදානෝත්සවය අද යි

2025 රාජ්‍ය නාට්‍ය උලෙළේ සම්මාන ප්‍රදානෝත්සවය අද(10) අරලියගහ මන්දිරයේ දී පැවැත්වේ.

බුද්ධශාසන, ආගමික හා සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතාගේ ප්‍රධානත්වයෙනි.

බුද්ධශාසන, ආගමික හා සංස්කෘතික කටයුතු අමාත්‍යය, සංස්කෘතික කටයුතු දෙපාර්තමේන්තුව සහ ශ්‍රී ලංකා කලා මණ්ඩලයේ රාජ්‍ය නාට්‍ය අනුමණ්ඩලය එක්ව 2025 රාජ්‍ය නාට්‍ය උලෙළේ අවසාන වටයේ නාට්‍ය ප්‍රදර්ශනය 2025 නොවැම්බර් මස 10වැනිදා සිට 27වැනිදා දක්වා පැවැත්වුණි. ඒ මරදාන එල්ෆින්ස්ටන් රඟහලේ දී ය.

මෙවර රාජ්‍ය නාට්‍ය උලෙළ අඛණ්ඩව 52වැනි වරට සංවිධාන වූ අතර ඒ සඳහා උතුරු, නැගෙනහිර ඇතුළු දිවයිනේ සෑම පළාතක්ම නියෝජනය කරමින් සිංහල හා දෙමළ භාෂා මාධ්‍ය ද්විත්වයෙන්ම දිගු හා කෙටි නාට්‍ය නිර්මාණ ඉදිරිපත්ව තිබුණි.

දේශීය නාට්‍ය කලාවේ ප්‍රගමනය වෙනුවෙන් රාජ්‍ය නාට්‍ය උලෙළ සංවිධාන කෙරේ.