කොළඹ LNW:ප්‍රජාතන්ත්‍රවාදී ප්‍රවාහය ශක්තිමත් කිරීම සඳහා යම් එකඟතාවන්ට පැමිණීමේදී ප්‍රජාතන්ත්‍රවාදිව පත්වෙච්ච කණ්ඩායම් එක්ක සාකච්ජා කිරීමේ වැරැද්දක් නැති බව මේ වන විට සමඟි ජන බලවේගය නියෝජනය කරන හිටපු ඇමතිවරයෙක් වූ චන්දිම වීරක්කොඩි මහතා පවසයි.
සාකච්ජා කර අවසන් තීරණයක් ගැනීමේදී එම කණ්ඩායම්වල පාතාලය නියෝජන කළ අය සිටිනවා නම් එවැනි අය සමඟ සම්බන්ධවීමේදී දෙපාරක් සිතන්නට සිදුවන බවයි හිටපු ඇමතිවරයා සඳහන් කරන්නේ.
”හොරු එක්ක තාම කිසිම ඩීල් එකක් ෆයිනලයිස් වෙලා නැහැ. සාකච්ජා කිරීමේදී ප්‍රජාතන්ත්‍රවාදී ප්‍රවාහයක ප්‍රජාතන්ත්‍රවාදය ශක්තිමත් කිරීම සඳහා යම් එකඟතාවන්ට පැමිණීමේදී ප්‍රජාතන්ත්‍රවාදිව පත්වෙච්ච කණ්ඩායම් එක්ක සාකච්ජා කිරීමේ වැරද්දක් නැහැ. සාකච්ජා කරලා අවසන් තීරණය ගැනීමේදී එතන ඉන්නවා නම් ඔය කියපු විදිහට පාතාලේ කට්ටිය වගේ අය ඒ අයත් එක්ක සම්බන්ධ වීම ගැන මම හිතන්නේ දෙපාරක් හිතන්න ඕනේ. සාකච්ජා කරන්න පටන් ගත්ත ගමන්ම ඉන්නේ ඔකොම හොරු කියල හිතනවා නම් මේ රටේ මොකුත් කරන්න බෑනේ.” යනුවෙන් ඔහු තවදුරටත් පවසයි.
චන්දිම වීරක්කොඩි මහතා මෙම අදහස් දක්වා සිටියේ හොරු සමඟ ඩීල් දමා සභා පිහිටුවීමට උත්සහ කරන බවට පළව තිබෙන වාර්තා සම්බන්ධයෙන් සමඟි ජන බලවේගයේ මාධ්‍ය හමුවකදී මාධ්‍යවේදියෙක් කළ ප්‍රශ්න කිරීමකට පිළිතුරු දෙමිනි.
ආශිකා බ්‍රාහ්මණ
Saru FM Media
