ඉන්දීය රජය විසින් වියට්නාමයට බුදුරජාණන් වහන්සේගේ ශුද්ධ වූ ධාතූන් වහන්සේලා ප්‍රදානය කිරීමට ගත් තීරණය දෙරට අතර සිදු වූ විශේෂිත ම ආගමික හුවමාරුවක් බව වියට්නාම මධ්‍යම අමාත්‍ය කිරන් රිජිජු පවසනවා.
ANI සමග විශේෂ සාකච්ඡාවකට එක්වෙමින් කිරන් අමාත්‍යවරයා පැවසුවේ, සංස්කෘතික රාජ්‍ය තාන්ත්‍රිකත්වයේ සිට වෙළඳ හවුල්කාරිත්වයන් දක්වා විහිදෙන ඉන්දියා-වියට්නාම සබඳතාවල බහුවිධ ශක්තිමත් සබඳතාව මෙහිදී ඉස්මතු වන බවයි.
ඉන්දියාව වියට්නාමයට බුදුරජාණන් වහන්සේගේ ධාතූන් වහන්සේලා ප්‍රදානය කිරීමත් සමග ලක්ෂ සංඛ්‍යාත බැතිමතුන් තම ගෞරවය ඊට පුද කර ඇති බවත්, දෙරට අතර ගැඹුරු අධ්‍යාත්මික සම්බන්ධතාවක් ඉස්මතු කර ඇති බවත් වියට්නාම මධ්‍යම අමාත්‍යවරයා වැඩිදුරටත් පැවසුවා.
සියලුම බෞද්ධ රටවල් ඉන්දියාවට සමීප කිරීමට අගමැති නරේන්ද්‍ර මෝදි මෙහිදී උත්සාහ දරා ඇති බවයි වියට්නාම රජය පවසන්නේ.
“බුදුරජාණන් වහන්සේගේ ධාතූන් වහන්සේලා වියට්නාමයට රැගෙන යාමේ මෙම විශේෂිත ගමන ඉන්දීය රජයේ විශේෂ තීන්දුවක් වන්නේ එය බුදුරජාණන් වහන්සේගේ ධාතූන් වහන්සේලා සහිත පළමු නිල දූත පිරිස වන බැවිනි. එබැවින් මෙම තීරණය සඳහා ඉන්දීය රජයට ගැඹුරු කෘතඥතාව පළ කරන්නේ සමස්ත බෞද්ධ ප්‍රජාව පමණක් නොව වියට්නාම රජය වෙනුවෙන්” බවයි රිජිජු ANI වෙත පැවසුවේ.
“සියලුම බෞද්ධ රටවල් ඉන්දියාවට සමීප කරවීමටත්, එකම බෞද්ධ උරුමය බෙදා ගැනීමටත්, සාමය සහ දයානුකම්පාව වන බුදුන් වහන්සේගේ පණිවිඩය පතුරුවා හැරීමටත් අගමැති මෝදි දරන උත්සාහය මම අගය කරමි,” ඔහු තවදුරටත් සඳහන් කර සිටියා.
Saru FM Media
