කොළඹ LNW:ඇල්පිටිය ප්‍රාදේශීය සභාවේ ශ්‍රී ලංකා පොදුජන පෙරමුණේ මන්ත්‍රී නලින් චමින්ද ප්‍රියදර්ශන මහතා විසින් අල්ලස් හෝ දුෂණ චෝදනා විමර්ශන කොමිෂන් සභාවට පැමිණිල්ලක් ඉදිරිපත් කර තිබේ.
ඔහු එම පැමිණිල්ල මඟින් පවසන්නේ ප්‍රාදේශීය සභාවේ අනුමැතියකින් තොරව ක්ලීන් ශ්‍රී ලංකා ව්‍යාපෘතිය සඳහා සභාවේ අරමුදල්,සම්පත් හා සේවක ශ්‍රමය යොදාගෙන ඇති බවයි.
එම ව්‍යාපෘතිය පසුගිය පෙබරවාරි 03 වැනිදා සිදුකර තිබෙන අතර එම දිනය වන විට එවැනි වැඩසටහනක් වෙනුවෙන් සභා අනුමතියක් ලබා දී නොතිබුණ බව පැමිණිලිකරු පවසයි.
ප්‍රාදේශීය සභා පනත උල්ලංඝනය කරමින් සිදුකර තිබෙන එම ක්‍රියාව සම්බන්ධයෙන් විමර්ශනයක් කර අවශ්‍ය ක්‍රියාමාර්ග ගන්නා ලෙස එම පැමිණිල්ලෙන් වැඩිදුරටත් ඉල්ලා තිබේ.
ආශිකා බ්‍රාහ්මණ
Saru FM Media
