සජබ බේරුවල පක්ෂ ක්‍රියාකාරී හමුවේ උණුසුම් තත්ත්වයක්

සමගි ජන බලවේගය බේරුවල ආසනයේ පක්ෂ ක්‍රියාකාරී හමුවේ උණුසුම් තත්ත්වයක් ඇතිවී තිබේ.

බේරුවල හෙට්ටිමුල්ල ප්‍රදේශයේ පෞද්ගලික උත්සව ශාලාවක මෙම ක්‍රියාකාරී හමුව පවත්වා තිබුණි.

එහිදී බේරුවල ආසනයේ සමගි ජන බලවේගය සම සංවිධායක ඉෆ්තිකාර් ජමිල් මහතා සභාව අමතමින් සිටියදී ඊට උරණ වූ සමගි ජන බලවේගය ක්‍රියාකාරිකයින්   ඔහුට විරෝධය පළකර ඇත.

එහිදී උණුසුම් වචන හුවමාරුවක් සිදුවීම නිසා පක්ෂ ක්‍රියාකාරී හමුව උණුසුම් තත්ත්වයක්ද හටගෙන තිබුණි.

සමගි ජන බලවේගය හා ජාතික ජන බලවේගය සමඟ සන්ධානගතව පිහිටුවාගත් බේරුවල නගර සභාවේ පාලන බලය සම්බන්ධයෙන් බේරුවල ආසන සංවිධායකවරයා වගකිවයුතු බව එම ක්‍රියාකාරී හමුවට පැමිණි පක්ෂයේ ක්‍රියාකාරීන් පවසා තිබේ.

මේ අතර, එම සන්ධානය සඳහා ඔවුන්ගේ විරෝධයද මෙහිදී එල්ල කර තිබේ.