පෞද්ගලික හේතූන් මත තමාට අද (27) දිනයේ පොලිස් මූල්ය අපරාධ කොට්ඨාශය හමුවේ පෙනී සිටීමට නොහැකි බව ශිරන්ති රාජපක්ෂ මහත්මිය දැනුම් දී තිබේ.
ඒ අනුව ඇය පොලිස් මූල්ය අපරාධ කොට්ඨාශය හමුවේ පෙනී සිටීම සඳහා සති දෙකක කාලයක් ඉල්ලා ඇති බවද වාර්තා වේ.
හිටපු ජනාධිපති මහින්ද රාජපක්ෂ මහතාගේ බිරිඳ වන ශිරන්ති රාජපක්ෂ මහත්මියට, අද (27) පෙරවරු 9ට ප්රකාශයක් ලබාදීම සඳහා පොලිස් මූල්ය අපරාධ කොට්ඨාශයට පැමිණෙන ලෙස දැනුම්දීමක් සිදු කර තිබුණි.
මහින්ද රාජපක්ෂ මහතා ජනාධිපතිවරයා ලෙස කටයුතු කළ සමයේ ‘සිරිලිය’ නමින් පවත්වාගෙන ගිය ගිණුමේ මූල්ය අක්රමිකතා සම්බන්ධයෙන් සිදුකරන විමර්ශනවලට අදාළව ප්රකාශයක් ලබාගැනීම සඳහා මෙම කැඳවීම සිදුකර ඇති බව පොලිස් මූල්ය අපරාධ කොට්ඨාශය සඳහන් කළේය.
📌සබැඳි පුවත්
Saru News
