වැලිමඩ – බණ්ඩාරවෙල මාර්ගයේ ඩයරබා ප්‍රදේශයේ දී බස් රථයක් අනතුරට ලක්ව එක් පුද්ගලයෙක් ජීවිතක්ෂයට පත්ව තිබෙනවා.
බණ්ඩාරවෙල දෙස සිට වැලිමඩ දෙසට ධාවනය වූ පුද්ගලික මගී බස් රථයක් මාර්ගයෙන් ඉවතට පැන ප්‍රපාතයකට පෙරලී ඊයේ (10) පස්වරුවේ මෙම අනතුර සිදුව ඇති බවයි පොලිසිය සඳහන් කළේ.
මෙම අනතුරින් තවත් පුද්ගලයින් 18 කට ආසන්න ප්‍රමාණයක් තුවාල ලබා වැලිමඩ සහ දියතලාව රෝහල් වලට ඇතුළත් කර තිබෙනවා.
එලෙස වැලිමඩ රෝහලට ඇතුළත් කර ප්‍රතිකාර ලබමින් සිටි පුද්ගලයෙක් මෙලෙස ජීවිතක්ෂයට පත්ව ඇති බවයි තොරතුරු වාර්තා වුණේ.
මියගිය පුද්ගලයා වයස අවුරුදු 56ක හද්දවුල, වැලිමඩ ප්‍රදේශයේ පදිංචිකරුවෙක්.
අනතුර සම්බන්ධයෙන් වැලිමඩ පොලිසිය වැඩිදුර විමර්ශන සිදුකරනු ලබනවා.
Saru FM Media
