වැලිකඩ පොලිස් භාරයේ සිටිය දී රෝහල් ගතකළ සැකකරුවෙක් මියයාමේ සිද්ධිය සම්බන්ධ විමර්ශන අපරාධ පරීක්ෂණ දෙපාර්තමේන්තුව වෙත පවරා තිබෙනවා.
වැඩබලන පොලිස්පතිවරයාගේ නියෝග මත ඊයේ (04) දිනයේ සිට මේ සම්බන්ධයෙන් අපරාධ පරීක්ෂණ දෙපාර්තමේන්තුව විමර්ශන අරඹා ඇති බවයි පොලිසිය සඳහන් කරන්නේ.
පසුගිය 01 වනදා රාත්‍රී කාලයේ රාජගිරිය, නාවල ප්‍රදේශයේ නිවසකට ඇතුළු වී සිටි පුද්ගලයෙක් අත්අඩංගුවට ගැනීමෙන් පසු කලහාකාරි ලෙස හැසිරීම හේතුවෙන් පොලිස් නිලධාරීන් ඔහුව රෝහල් ගතකර තිබෙනවා.
මෙම සැකකරු අත්අඩංගුවට ගැනීමෙන් පසු පොලිස් නිලධාරීන් ක්‍රියාකළ ආකාරය සහ රෝහල් ගත කිරීමෙන් පසු මියගිය ආකාරය පිළිබඳ අපරාධ පරීක්ෂණ දෙපාර්තමේන්තුව මෙම විමර්ශණ සිදුකරනු ලබනවා.
Saru FM Media
