ව්‍යාපාරයක් ආරම්භ කරන්නට මෙන්ම ආරම්භ කළ ව්‍යාපාරයක් වැඩි දියුණු කරන්නටත් අපට මූලිකවම හරස් වන්නේ ආයෝජනයට මුදල්. එක්වර සැලකියයුතු යුතු මුදල් ප්‍රමාණයක් ලබාගතහැකි පහසුම ආකාරය වන්නේ විශ්වාසනීය බැංකුවකින් සහන පොළියට ණය මුදලක් සඳහා ඉල්ලුම් කිරීමයි. මේ සඳහා සැලකිය යුතු කරුණු රාශියක් තිබෙනවා.
සාමාන්‍යයෙන් ණය මුදලක් ලබා දෙන්නේ ජනතාවගේ තැන්පත් මුදලෙන්මයි. ඒ නිසා ඒවා නිසි පරිදි අය කර ගැනීම බැංකුවේ වගකීමයි. එනිසා ණය මුදලක් ලබා දීමට පෙර ණය ඇගයීමක් සිදුකරනු ලබනවා. හැමදෙනාට ම ණයක් නොලැබීමට හේතුව එයයි.
ශ්‍රී ලංකා ණය තොරතුරු කාර්‍යාංශය හෙවත් CRIB එක ලෙස හඳුන්වන්නේ සෑම පුද්ගලයෙක්ගේම ණය තොරතුරු වාර්තා ඇති ස්ථානයයි. එහි ලබාගත් ණය, ණය සඳහා ඇපවීම්, ගෙවුණු මාස විසි හතරක කාලය තුළ ණය ගෙවූ ආකාරය සඳහන්. ගත් ණයක් නිවැරදිව නොගෙවූ විට නම මෙහි Blacklist වෙනවා. එසේ Blacklist වීමෙන් පසු නැවත ණය ලබා ගැනීමේ උත්සාහයන් සාර්ථක වන්නේ නෑ.
ඔබේ ව්‍යාපාර අදහස වෙනස් කිරීමෙන් ඔබට නැවත උත්සාහ කළ හැකියි.
නැතිනම්, ණය මුදලින් කොටසක් දීමටත් සමහර අවස්ථාවලදී බැංකුව තීරණය කරනවා.
අපි මේ ලිපියෙන් කතා කළේ ස්වයං රැකියාවක් හෝ නව ව්‍යාපාරයක් ආරම්භ කිරීමේදී බැංකුවෙන් ව්‍යාපාර සඳහා ණය මුදලක් අනුමත කර ගැනීමේදී සලකා බැලෙන මූලික කරුණුයි. මේ සුදුසුකම් පුද්ගලික ණය හෝ නිවාස ණය සඳහා අදාල ඒවා නොවෙයි. එවැනි ණය ඉල්ලීම් අනුමත කිරීමේදී බැංකුව විසින් සලකා බැලෙන සුදුසුකම් පිළිබඳව වෙනත් ලිපියකින් අපි තොරතුරු ගෙන එනවා.
වැදගත්කම කරුණ නම් අපි මේ සාකච්ඡාව සදහා තොරතුරු ලබා ගත්තේ ලංකා බැංකුවෙන්. ඔවුන් මේ දිනවල ව්‍යාපාරික ණය අනුමත කිරීමේදී සලකා බැලෙන මූලික කරුණු පමණයි මේ ලිපියේ සඳහන් වන්නේ. ඔබ ණය ඉල්ලුම් කරන බැංකුව අනුව මේ තොරතුරු වෙනස් වීමේ හැකියාව තිබෙනවා. ඔබත් ස්වයං රැකියාවක් සඳහා ණය ඉල්ලුම් කිරීමට බලාපොරොත්තු වෙනවා නම් මේ ලිපියෙන් මූලික සූදානම් වීම කෙසේ විය යුතුද යන්න පැහැදිලි කෙරෙනවා. අපේ අරමුණු වන්නේ ඔබේ සිහිනයට යාමේ මූලික පියවර වෙනුවෙන් ඔබ දැනුවත් කිරීමයි. ඉතිරි කරුණු සඳහා මේ කරුණු සම්පූර්ණ කරගෙන බැංකුව වෙත යාමෙන් ඔබේ කාර්‍ය් පහසු වේවි.
Saru FM Media
