කොළඹ ලෝටස් ටවර් කළමනාකරණ සමාගම විසින් N. Seelanatha Holdings (Private) Limited සමාගම ලෝටස් ටවර් පරිශ්‍රයෙන් නෙරපා ගැනීම සම්බන්ධයෙන් ගොනු කළ ව්‍රිත් පෙත්සමක් අභියාචනාධිකරණය විසින් ඊයේ (04) ප්‍රතික්ෂේප කර තිබෙනවා.
අභියාචනාධිකරණයේ අතිරේක සභාපති විනිසුරු එම්. ටී. මොහොමඩ් ලාෆාර් සහ විනිසුරු කේ. එම්. එස්. දිසානායක මැතිවරුන්ගෙන් සමන්විත දෙදෙනෙකුගෙන් යුත් විනිසුරු මණ්ඩලය මෙම නියෝගය ලබා දුන්නේ.
Colombo Lotus Tower Management Company (Private) Limited සමාගම වෙනුවෙන් ඉදිරිපත් කළ පූර්ව නීතිමය විරෝධතා පිළිගෙන, අභියාචනාධිකරණය මෙම පෙත්සම මුලදීම (in limine) ප්‍රතික්ෂේප කළා.
මෙම පෙත්සම ගොනු කර තිබුණේ, Colombo Lotus Tower හි පළමු මහලේ වාණිජ කලාප 01 – වර්ග අඩි 2,583ක ප්‍රදේශය පිළිබඳව N. Seelanatha Holdings සමාගම නෙරපා ගැනීම අවලංගු කරන ලෙස නියෝගයක් ලබාගැනීමේ අරමුණින්.
පෙත්සම්කරු විසින් Colombo Lotus Tower Management Company (Private) Limited සහ දුරකථන නියාමන කොමිෂන් සභාව මෙම නඩුවට පිළිතුරුකරුවන් ලෙස නම් කර තිබුණා.
පළමු පිළිතුරුකරු විසින් මෙම පෙත්සම නීතිමයව පවත්වාගෙන යාමට නොහැකි බවට විශේෂයෙන් දැක්වූ කරුණු පහතින්,
• පැමිණිල්ලකරු හා පළමු පිළිතුරුකරු අතර සබඳතාවය සම්පුර්ණයෙන්ම ගිවිසුම්මය වේ.
• පැමිණිල්ලකරුට තම ගැටලුව සම්බන්ධයෙන් විශේෂ ක්රිරයාත්මකතාවක් (specific performance) සඳහා පෞද්ගලික නඩුවක් ගොනු කළ හැකිය.
• හෝ වන්දි ලබා ගැනීම සඳහාද නඩුවක් ගොනු කළ හැකිය.
• එම ගැටලුව සාධාරණත්වයේ ස්වභාවික නීති උල්ලංඝනයක් නොවේ.
අභියාචනාධිකරණය තීරණය කළේ මෙම පෙත්සම නීතිමයවද තත්වමයවද සාර්ථක විය නොහැකි බවයි.
ඒ අනුව, පෙත්සම ප්‍රතික්ෂේප කරන අතර, පළමු පිළිතුරුකරු වෙත වියදම්ද පැමිණිල්ලකරු ගෙවිය යුතු බවට නියෝග කළා.
එයට අමතරව, පෙර ලබාදුන් සියලු අතුරු නියෝගද අහෝසි කිරීමට අධිකරණය නියෝග කර තිබෙනවා.
පෙත්සම්කරු වෙනුවෙන්අලි සබ්රි, පී.සී., නාමික් නෆාත් සහ විමුක්ති කරුණාරත්න පෙනී සිටියා.
පළමු පිළිතුරුකරු වෙනුවෙන් ජනප්රිමත් ප්‍රනාන්දු, අමිල පෙරේරා, සම්සම් ඉස්මායිල් සහ ලක්ෂිකා මහින්දාසිංහ — K.U. ගුණසේකර මහතාගේ උපදෙස් මත — පෙනී සිටියා.
දෙවන පිළිතුරුකරු වෙනුවෙන් අතිරේක සොලිසිටර් ජනරාල් සුමති ධර්මවර්ධන, පී.සී.පෙනී සිටියා.
Saru FM Media
