රෂිකා හෙන්නායක මාර්තු 09, කොළඹ LNW :
ශ්රී ලංකාවේ ප්රධාන ගෑස් සමාගම් දෙක වන ලිට්රෝ සහ ලාෆ් ආයතන මගින් දේශීය වෙළෙඳපොළට ගෑස් බෙදාහැරීමේ කටයුතු කඩිනම් කර ඇති බව වාර්තා වේ.
පසුගිය දින කිහිපය තුළ මෙරටට ලැබුණු ගෑස් තොග පාරිභෝගිකයන් වෙත නිකුත් කිරීම දැනටමත් ආරම්භ කර ඇති අතර, ලිට්රෝ සමාගම ඉදිරි මාසය සඳහා අතිවිශාල ගෑස් ප්රමාණයක් ඇණවුම් කර තිබේ.
මාලදිවයින ආසන්නයේ රඳවා තබා ඇති සහ ඉදිරියේදී පැමිණීමට නියමිත නෞකා මගින් ප්රමාණවත් සංචිත පවත්වා ගැනීමට පියවර ගෙන ඇති බව එම සමාගම අවධාරණය කරයි.
ඒ අනුව අද (09) දිනයෙත් ගෑස් මෙට්රික් ටොන් 3700 ක් වෙළෙඳපොලට නිකුත් කරන බව ලිට්රෝ සමාගම සඳහන් කරයි.
ගතවූ කාලයේදී ගෑස් මෙට්රින් ටොන් 7900 ක් මෙරටට රැගෙනවිත් ඇති බව එහි සභාපති චන්න ගුණවර්ධන මහතා පවසයි.
මේ අතර ලාෆ් සමාගම ද තමන් සතු ගෑස් තොග දිවයින පුරා බෙදාහැරීම දැනටමත් ක්රියාත්මක කර ඇත. මෙම සියලු ක්රියාමාර්ග ගනු ලබන්නේ රට තුළ පවතින ගෑස් සැපයුම ස්ථාවර මට්ටමක පවත්වා ගැනීම සඳහා බව පැහැදිලි වේ.
The post ලිට්රෝ සහ ලාෆ් ගෑස් බෙදාහැරීමේ කටයුතු කඩිනම් කරයි! appeared first on LNW Sinhala.
Saru News
