විවාහක කාන්තාවන් මුහුණ දෙන එක් ගැටලුකාරී තත්ත්වයක් ලෙස ලිංගිකව සම්බන්ධ වීමට ඇති බිය, නොහැකියාව දැක්විය හැකියි. මේ තත්ත්වයේදී කාන්තාව ඉච්ඡාභංගත්වයට, මානසික අසහනයට පත් වේ. ඈත අතීතයේ සිට වුවත් මෙවැනි ගැටලු පවතින්නට ඇති බව අප සිතුවත් අද වන විට කාන්තාව සමාජයට විවෘතව බොහෝ කටයුතු කරන නිසා මෙවැනි තත්ත්වයකදී වෛද්‍ය උපදෙස් පැතීමට පසුබට නොවේ.
Vaginismus යනු ශ්‍රෝණී පත්ලේ ඇති පේශී වල ගැස්මක් මුල් කරගෙන ඇති වන තත්ත්වයකි. මෙය ලිංගික සංසර්ගයේ යෙදීමට දුෂ්කර හෝ අපහසු තත්ත්වයක් ඇති කරයි. එනම් යෝනි මාර්ගය තුළට ශිෂ්ණය ඇතුළු කිරීමේදී ඇති වන තත්ත්වයකි. මේ සඳහා ශ්‍රෝණී පත්ලේ ඇති pubocoaygeus නම් පේශී කාණ්ඩය සහය වන අතරම යෝනිය තුළට කුමක් හෝ ඇතුළු කිරීමට උත්සහ දැරීමේ දී මෙම පේශීවල අනිච්චානුගව ඇති වන ගැස්මක් නිසා ඇති වන තද ගත්ය සමග බියක් ඇති කරවයි. එවිට වේදනාවක් අති වේ. මෙම වේදනාව තාවකාලික වන අතර එම අවස්ථාවෙන් ඉවත් වූ විට එම වේදනාව පහව යයි. මෙම pubococcygese පේශී කාණ්ඩය මුත‍්‍රා පිට කිරීම, සංසර්ගයේ යෙදීම හා සුරාන්තයට පත් වීම, අන්තවල ක‍්‍රියාව, දරු උපත ආදිය සඳහා වැදගත් වේ.
Vaginismus තත්ත්වයේ අවස්ථා
මෙය නිතරම ඇති වන්නේ කාන්තාවකගේ පළමු ලිංගික සංසර්ගය සිදු කිරීමට උත්සහ දැරීමේදීය. මීට අමතරව නාරිවේදීය පරීක්‍ෂණ කිරීම සඳහා යෝනිය තුළට උපකරණ ඇතුළු කිරීම ද අපහසු වේ. සහකරු ඔහුගේ ශිෂ්ණය යෝනි මාර්ගය තුළට ඇතුළු කිරීමට අපහසු වේ. යෝනි මාර්ගය තුළට ඇතුළු කිරීමට දරණ උත්සහය බිත්තියක හැප්පීමක්/වැදීමක් (hitting a wall) ලෙස දැනේ. මෙහිදී කාන්තාවගේ ශරීරය පුරාම පේශී ගැස්මක් නිසා ඇති වන තද ගතිය ඇති කරයි. ස්වසනය ද තාවකාලිකව ඇණ හිටී. මෙම ලක්ෂණ පහව යන්නේ යෝනි මාර්ගයට ඇතුළු වීමට උත්සහ දැරීම නැවැත්වූ පසුවය.
දැනටමත් ලිංගික සංසර්ගයේ යෙදෙන කාන්තාවන්ට ඇතිවිය හැකි තත්ත්වයයි. මේ තත්ත්වය හැමවිටම ඇති නොවුණත් ජීවිතයේ ඕනෑම අවස්ථාවක ඇති විය හැක. මෙසේ ඇති වීමට ආසාධන, අර්ථාභාවය, අනතුරු, වෛද්‍යමය තත්ත්ව, ශ්‍රෝණී ශල්‍යකර්ම හෝ දරු ප‍්‍රසූතිය වැනි විශේෂ අවස්ථා බලපෑ හැකිය.
මෙම තත්ත්වය සෑමවිටම ඇති විය හැකි තත්ත්වයකි. එනම් ඕනෑම උපකරණයක් (නාරිවේදීය පරීක්‍ෂණ සඳහා) ඇතුළු කිරීමට යාමේදී මෙම තත්ත්වය ඇති කරයි.
මේ තත්ත්වය ඇති වන්නේ ගැබිනි සමයේ ලිංගික සංසර්ගයේදී පමණී. නාරිවේදීය පරීක්‍ෂණ හෝ උපකරණ ඇතුළු කිරීමේදී ඇති නොවේ.
Vaginismus තත්ත්වයේදී පෙන්නුම් කරන ලක්ෂණ
මෙහිදී පෙන්නුම් කරන ලක්ෂණ එක් එක් පුද්ගලයාගෙන් පුද්ගලයාට වෙනස්විය හැක.
උදා: යෝනි මාර්ගය තුලින් ඇඟිල්ලක ඇතුළු කිරීම.
උදා: Speculum, tampon
මෙහිදී ඇති වන වේදනාවක් සුළු (mild) අවස්ථාවේ සිට තීව‍්‍ර (Severe) දක්වා වන අතර වේදනාවේ ස්වභාවය, අපහසුතාවයේ (discomfort) සිට දැවිල්ල (burning) දක්වා වේ. ලිංගික සංසර්ගය පිළිබඳ අනිසි බියක්, සැකයක් ඇති වීම තුළ ලිංගිකව එක්වීම වළක්වයි.
Vaginismus තත්තවයට හේතූ
ලිංගික ගැටලු කාන්තාවන්ට මෙන්ම පුරුෂ පාර්හවයටද ඇති වන අතර එය කාගේවත් වරදකින් සිදුවන්නක් නොවේ. ඒ නිසා එවැනි තත්ත්ව සඳහා ප්රතිකාර වෙත යොමු වීමට සඳහා ලැජ්ජා විය යුතු නොවේ.
Vaginismus තත්ත්වය සඳහා ප්රතිකාර
හඳුනාගත් Vaginismus තත්ත්වයේදී වෛද්‍යවරයා විසින් වෛද්‍යමය ඉතිහාසය උපයෝගී කර ගනිමින් යෝනී පරීක්‍ෂණ සිදු කරයි. මේ තත්ත්වයට බලපා ඇති හේතුව අනුව විවිධ විශේෂඥ වෛද්‍යවරු සහභාගි කරවා ගැනීමට සිදුවේ. ප‍්‍රතිකාරවල අරමුණ වන්නේ ස්වභාවිකවම පේශිවල තද ගතිය හා වේදනාවට ඇති බිය අඩු කිරීමයි. ආසාධන වැනි පැහැදිලි හේතු වලදී එය හඳුනාගෙන පළමුව ආසාධනයට ප්රතිකාර කළ යුතුය.
ප්රතිකාර ක්‍රම
ඇතුළු කිරීම් සිදු නොකරමින් සිදු කරන ලිංගික උත්තේජනවලදී (මුඛ ලිංගික උත්තේජන/සම්බාහනය/ ස්වයං මෛතූන්‍ය) මෙම තත්ත්වය ඇති නොවේ.
ක්‍රිෂාන්ති ගංගා කුමාරිහාමි මහත්මිය
හෙද නිලධාරිනි (1 ශ්‍රේණිය) ,පළාත් මහා රෝහල, කුරුණෑගල
Saru FM Media
