රෑ දවල් කියලා නෑ! කඩා පනින හමුදාව ක්‍රියාත්මකයි! උත්සව කාලේ හොරට බඩු විකුණලා අහුවෙන්න එපා!  I Sri Lanka Latest News

0
17


පාරිභෝගික කටයුතු පිළිබද අධිකාරිය මගින් උත්සව සමය වෙනුවෙන් සිදුකරනු ලබන විශේෂ වැටලීම් වැඩසටහන යටතේ පසුගිය දින කිහිපය තුල වැටලීම් 1200 ක් සිදුකර ඇති අතර ඉදිරි දිනවලදීද අත්‍යවශ්‍ය භාණ්ඩ සම්බන්ධව වැඩි අවධානයක් යොමු කරමින් වැටලීම් සිදුකරන ලෙසත්, වෙළදුන් විසින් භාණ්ඩවල මිල ප්‍රදර්ශනය නොකිරීම , සදහන්කල මිලට වඩා වැඩි මිලට භාණ්ඩ අලෙවිකිරීම, භාණ්ඩවල සදහන්කර ඇති තොරතුරු වෙනස්කිරීම, කල් ඉකුත් වූ භාණ්ඩ අලෙවිකිරීම , බිල්පත් නිකුත් නොකිරීම , කොන්දේසි සහිතව භාණ්ඩ අලෙවිකිරීම , භාණ්ඩ සගවාතබාගැනීම , භාණ්ඩ විකිණීම ප්‍රතික්ෂේප කිරීම සහ පාරිභෝගිකයන් නොමග යවන අයුරින් කටයුතුකරමින් මිල අඩුකිරීම් සහ සේල් පවත්වාගන යමින් භාණ්ඩ අලෙවිකිරීම සම්බන්ධවද වැඩි අවධානයක් යොමු කරන ලෙස නිලධාරීන්ට උපදෙස් ලබා දී ඇත.Sri Lanka Latest News

නිවාඩු දිනවලද සහ රාත්‍රී කාලයේද ක්‍රියාත්මක වන එම වැටලීම් වලදී සම්බා සහ කීරි සම්බා සහල් වැඩිමිලට අලෙවි කිරීම මෙන්ම බිත්තර සහ කුකුල් මස් මිල උත්සව සමය තුල ඉහළ දැමීමට උත්සාහ කරන වෙළදුන් සම්බන්ධවද විමර්ශන නිලධාරීන් විසින් වැඩි අවධානයක් යොමුකරන අතර එම වෙළදුන්ට එරෙහිව නීතිය තදින්ම ක්‍රියාත්මක කරනු ලැබේ.

එමෙන්ම ඉහත වැටලීම්වලට අමතරව ප්‍රධාන නගරවල ඇති බස් නැවතුම් ස්ථාන මෙන්ම දුර ගමන් බස් නතර කරන ස්ථානවල මිල ප්‍රදර්ශනය නොකිරීම සහ වැඩි මිලට භාණ්ඩ අලෙවිකිරීම , කල් ඉකුත් වූ සහ තොරතුරු සදහන් නොවන භාණ්ඩ විකිණීම ඇතුළු වැරදි වැලැක්වීම සම්බන්ධවද අවධානය යොමු කරමින් වැටලීම් සිදුකිරීම සඳහා විශේෂ වැඩසටහනක් මේ වන විටත් ක්‍රියාත්මක කිරීම සදහා නිලධාරීන් යොමුකර ඇත.

සභාපති
පාරිභෝගික කටයුතු පිළිබද අධිකාරිය



Saru FM Media

LEAVE A REPLY

Please enter your comment!
Please enter your name here