මෙරට රන් මිල අද දිනය තුළ තෙවරක් ඉහළට

මෙරට රත්‍රං මිල අද (08) දිනය තුළ රුපියල් 5,000කින් පමණ ඉහළ ගොස් ඇති බව වෙළෙඳපොළ දත්ත පෙන්නුම් කරයි.

ඒ අනුව අද දිනය තුළ තෙවන වරට කොළඹ හෙට්ටිවීදිය රන් වෙළෙඳපොළෙහි “කැරට් 22” රන් පවුමක මිල රු. 271,000ක් දක්වා ඉහළ ගොස් තිබේ.

පසුගිය සෙනසුරාදා දිනයේ දී එය දැක්වුණේ රු. 266,400ක් ලෙසය.

මේ අතර සෙනසුරාදා රු. 288,000ක් ලෙස පැවති “කැරට් 24” රන් පවුමක මිල අද තෙවන වතාවට රු. 293,000ක් දක්වා ඉහළ ගොස් ඇති බව කොළඹ හෙට්ටිවීදිය රත්‍රං වෙළෙඳපොළ ආරංචි මාර්ග සඳහන් කරයි.

අද උදෑසන සිට කොළඹ හෙට්ටිවීදිය රන් වෙළෙඳපොළෙහි තෙවතාවකින් ඉහළ යෑමද විශේෂත්වයකි.