නිශ්මං රණසිංහ මැයි 17, කොළඹ LNW:
අවුරුදු 22 න් පහළ සහ යොවුන් බොක්සිං තරගාවලියේ දී ශ්‍රී ලංකාව කැපී පෙණුන දස්කම් දැක් වූ දවසක් බවට මැයි 16 වන දින පත් වුණා.විශේෂයෙන් බොක්සිං ලෝකයේම අවධානයට පාත්‍රව සිටින උමයංග මිහිරාන් නැවත වරක් තමන්ගේ හැකියාව විඳහා පෙන්වමින් රටට ඔහු කෙතරම් වටින ක්‍රීඩකයෙක් ද යන්න සනාත කෙරූ දවසක් වුණා.
කිලෝ ග්‍රෑම් 51 බර පංතියෙන් තරග වැදුණ උමයංග,එර්ගෙසෙව් බෙක්ෂාට් 4-0 ක විනිසුරු තීරණ මත පරාජය කරමින් ශ්‍රී ලංකාවට ජයග්‍රාහී දිනයක් උදා කර දුන්නා.ගතවන තත්පරයේ ලෝකයට වඩාත් ආසන්න ක්‍රීඩකයා ලෙස කැපී පෙණෙන දක්ෂතා දක්වන මිහිරාන්ගේ මිහිරි ජයෙන් ඉනික්බිති කිලෝ ග්‍රෑම් 54 බර පංතියේ තරගයකදී මැලේසියාවේ වාහිඩි මොහොමඩ් රිෂාල්ට 3 -1 ක් ලෙස පරාජය අත් කර දුන් ශ්‍රී ලංකාවේ අශේන් ශෙහාර මැයි 16 වන දිනයට අයත් වන දෙවන ජයග්‍රහණය ශ්‍රී ලංකාවට දිනා දෙනු ලැබුවා.
කිලෝ ග්‍රෑම් 60 බර පංතියෙන් තරගයට ඉදිරිපත් වූ දේශාන් ජයසුන්දර ප්‍රංශ කොලනියක් ලෙස ගැනෙන පොලනීසියාව නියෝජනය කළ පවුලට් ඔසියර් 5-0 ක් ලෙස පරාජය කරමින් ඉදරියට යන්නට සමත් වුණා.
Saru FM Media
