පොළොන්නරුව ප්‍රධාන මාර්ගයේ මින්නේරිය මිනිහිරිගම ප්‍රදේශයේ ඊයේ පස්වරුවේ බස් රථ දෙකක් මුහුණට මුහුණ ගැටී බිහිසුණු අනතුරක් සිදුවී ඇත. මෙම අනතුර හේතුවෙන් පුද්ගලයින් දෙදෙනෙකු මිය ගොස් ඇති අතර, 40කට ආසන්න පිරිසක් තුවාල ලබා ඇති බව පොලිස් මාධ්‍ය කොට්ඨාසය නිවේදනය කර ඇත.
හබරණ-පොළොන්නරුව ප්‍රධාන මාර්ගයේ මින්නේරිය යුධ හමුදා කඳවුර ඉදිරිපිට මිනිහිරිගම ප්‍රදේශයේදී සිදුවූ මෙම අනතුරට ලක් වූයේ කොළඹ සිට කඳුරුවෙල දක්වා ධාවනය වූ බස් රථයක් සහ කඳුරුවෙල සිට කොළඹ දක්වා ගමන් කරමින් සිටි බස් රථයකි. මෙම බස් රථ දෙකම පෞද්ගලික මගී ප්‍රවාහන බස් රථ ලෙස හඳුනාගෙන ඇත.
අනතුරෙන් තුවාල ලැබූවන් අතරින් 16 දෙනෙකු සම්බන්ධයෙන් වාර්තා වී ඇති අතර, තුවාල ලැබූ සියලු දෙනා පොළොන්නරුව සහ හිඟුරක්ගොඩ රෝහල්වලට ඇතුළත් කර ඇති බව වාර්තා වේ. මිය ගිය පුද්ගලයින්ගේ අනන්‍යතාව මේ වන තෙක් තහවුරු කර නොමැති බව පොලීසිය පවසයි.
මෙම අනතුරින් බස් රථ දෙකෙහි ගමන් කළ මගීන් 30 දෙනෙකුට වැඩි පිරිසක් තුවාල ලබා ඇත. අනතුරු සිදු වීම පිළිබඳව වැඩිදුර විමර්ශන සිදු කරමින් පවතින බව පොලීසිය වැඩිදුරටත් පවසයි.
Saru FM Media
