ඊයේ (13) උදෑසන කාලයේ කුච්චවේලි පොලිස් වසමේ ත්‍රීකුණාමලය පුල්මුඩේ මාර්ගයේ 19 කණුව අසලදී එරක්කන්ඩි දෙස සිට ත්‍රිකුණාමලය දෙසට ධාවනය වූ කැබ් රථයක් මාර්ගය අයිනේ සිටි පදික පුද්ගලයෙකුගේ ගැටී අනතුරක් සිදු ව අනතුරෙන් බරපතළ තුවාල ලැබූ පදික පුද්ගලයා නිලාවේලි රෝහලට ඇතුළත් කළ පසු මියගොස් තිබෙනවා.
පොලිස් මාධ්‍ය ප්‍රකාශක කාර්‍යාලය නිවේදනය කළේ, මරණකරු වයස අවුරුදු 52 ක් වූ නිලාවේලි ප්‍රදේශයේ පදිංචිකරුවෙක් බවයි.
මෘත ශරීරය නිලාවේලි රෝහලේ මෘත ශරීරාගාරයේ තැන්පත් කර තිබෙනවා.
අනතුරට අදාළ කැබ් රථයේ රියදුරු අත්අඩංගුවට ගෙන ඇති බවයි වාර්තා වන්නේ.
මේ අතර ඊයේ දින සවස් කාලයේ මෝදර පොලිස් වසමේ ශ්‍රී පඤ්ඤානන්ද ප්‍රදේශයේදී ශ්‍රී පඤ්ඤානන්ද හන්දිය දෙස සිට බෝධිය හන්දිය දෙසට ධාවනය වූ ලොරි රථයක් ප්‍රතිවිරුද්ධ දෙසින් පැමිණි පාපැදිකරුවෙකුගේ ගැටී අනතුරක් සිදු වුණා.
අනතුරින් බරපතළ තුවාල ලැබූ පාපැදිකරු කොළඹ ජාතික රෝහලට ඇතුළත් කර ප්‍රතිකාර ලබමින් සිටියදී මියගොස් ඇති බවයි පැවසෙන්නේ.
මරණකරු වයස අවුරුදු 52 ක් වූ කොළඹ 15 ප්‍රදේශයේ පදිංචිකරුවෙක්.
අනතුරට අදාළ ලොරි රථයේ රියදුරු අත්අඩංගුවට ගෙන තිබෙනවා.
Saru FM Media
