දරුවාගේ පිළිසිඳ ගැනීමේ සිටම දරුවාගේ සංවර්ධනය කෙරෙහි උපරිම දායකත්වක් සැපයිය හැක්කේ දරුවාගේ දෙමාපියන්ටය. එයිනිදු ඔහුගේ දයාබර මවටය. මන්ද යත් දරුවෙකු කුස දරන්නී ද, ලෝකය ගැන කිසිදු අවබෝධයක් නොමැති පුංචි ජිවියෙකු වැඩිම කාලයක් දෑත් දරන්නී ද මව වන හෙයිනි. දරුවා යනු බිජයක් නම් නිසි පොහොර හා වැඩීමට අවශ්‍යත්ව ලබා දීමේදී මවකට කල හැකි දේ බෙහෝය, මන්ද යත් මුල් අවුරුදු 5ක කාලය තුලදි දරුවාගේ බුද්ධි වර්ධනයේද උපරිම වර්ධනයක් සිදු වන බැවිනි.
මාගේ ලිපි පෙලින් අද කතා කරන්නේ මවගෙ මුළු තැන් ගෙයින් දරුවාගේ පංචෙන්ද්‍රිය දියුණුවට කල හැකි දේ ගැනය. දියුණු ලෝකයේ පිලිගන්නා හා දැන හෝ නොදැන අපගෙ මවුවරුන් හා මිත්තණියන්ද භාවිතා කරන ලද සරල උපක්‍රම ගැනය.
දරුවාගේ බුද්ධි වර්ධනයට තම ගෙතුලින්ම වැඩි මහන්සියකින් තොරවම මෙවැනි ඉගෙනුම් උපකරන සපයා ගත හැකි නම් දරුවා වෙනුවෙන් සුළු කාලයක් යෙදවීමට මවකට හැකියාව ඇත්තේ නොවේද?
උදාහරණයකට , එලවළු හා පලතුරු මිලදී ගන්නා අවස්ථාවක් පිළිබද සලකා බලමු.(මෙහිදි මිලදී ගැනීමට යාම සදහා ද දරුවා සහභාගි කරගත හැකි අතර ඒ පිළිබදව පසුව කතා කරමු.)
ඔබ ගෙනා බෑගයේ ඇති දෑ වෙන් කිරිමට, වර්ග කිරිමට දරුවාට අවස්ථාවක් ලබා දෙන්න.මෙහිදි පළමු දින වල දරුවා සිදු කරන දෑ ගැන කලබලකාරි නොවන්න. ක්‍රමයෙන් වර්ග කිරීමට ඔහු ඉගෙන ගනී (එතෙක්, සාලයේ පුටු යටින්ද එලවළු හෝ පළතුරු මතු විය හැකිය.)
ඔහුට / ඇයට භාජන කිපයක් දී කැරට්, බටු, බෙංචි, හෝ ඇපල් ,අඹ, කෙසෙල් වෙන් කිරීමට අවස්ථාව ලබා දිය හැක. එම අවස්ථාවේදි දරුවාට අදාල එලවලු හෝ පළතුරු වල නාමයන් (nomenclature) නොදැනුවත් විම ගැටළුවක් නැත. මෙසේ වර්ග කිරීමට ඉතා කුඩා කල සිටම දරුවාට හැකියාව ඇත.(මාස 10-11 සිට)
දැන් මවට කල හැකි දේ බොහෝය.
“පුතේ මේ තැඹිලි පාට කැරට්” (ඔබට අවශ්‍ය භාෂාවෙන් නිවැරදිව උච්චාරණය කරන්න)
“මේ බෝල වගෙ දෙහි…”
“මෙන්න බබා ආසම කෙසෙල්”
දරුවාගෙ උච්චාරණය ළදරු වුවත් , මව නිවැරදිව උච්චාරනය කිරීම වැදගත් වේ.
“පුතේ මේ බලන්න කැරට් – හයියයි නේද…?”
“මෙ අර්තාපල් ම් ම් ……. හයියයි”
“මෙන්න තක්කාලි හරිම මෘදුයි (soft)”
“මෙ බලන්න අන්නාසි පොත්ත හරි රළුයි නේද…?”
“පුතේ අපි අද පළතුරු වල සුවද බලමු… මේ අන්නාසි සුවද ….. ම් ම් හරිම සුවදයි නේද ?”
“මේ බලන්න ඇපල්…. හරිම මිහිරි සුවදක් නේද…?”
(දරුවාට පිළිතුරු දීම් හැකියාව තිබුණ ද, නොතිබුනද මෙම සංව්දනය දැනේ. ඒ නිසා දරුවාට සුවද විදිමට කුඩා අවධියේ උවද අවස්ථාව ලබා දෙන්න.)
“පුතාට අද හදන කැරට් තැබිලි පාටයි…….මේ බලන්නකෝ මේ තමයි තැඹිලි පාට”
“මේ බලන්න රතු පාට බීට්….. හරි ලස්සන රතු පාටක් නේද?”
“ඔයා අද කන නිවිති නම් කොල පාටයි හොදේ …..”
බොහෝමයක් මව්වරුන් 1-10 දක්වා ගණන් කිරීමට කුඩා දරුවන්ට හුරු කරයි. මුලික ගණිත සංකල්ප දියුණුව සදහා අවබෝධයෙන් ඉගෙනීම ඉතා වැදගත් වේ.
උදාහරණයක් ලෙස :
“පුතේ අපි බලමු අද තාත්ති බඩ ඉරිගු කියක් ගෙනාවද කියලා ඒකයි ,දෙකයි ,තුනයි……. අද තාත්ති බඩ ඉරිගු තුනක් ගෙනල්ලා නේද …?”
“මෙතන ඇපල් ගෙඩි දෙකක් තියෙනවා නේද ?……මේ බලන්නකෝ , එකයි ,දෙකයි ,………”
“අද තාත්ති ගෙනාපු ඇපල් ගෙඩි දෙක මේ බලන්න එකක් ලොකුයි අනික් එක පොඩියි… ඔන්න පොඩි බබාට පොඩි ගෙඩිය ……”
“මේ කැරට් අලය අනිත් ඒවාට වැඩිය ලොකුයි නේද? හ්ම් …… මේක නම් පොඩි කැරට් අලයක්.”
“පුතේ අද ඔයාගේ අතුරු පසට පළතුරු….. මේ ඇපල් කෑල්ල කන්නකෝ හරි රසයි නේද… ?”
“මේ බලන්න මේ මිදි වල රස …. ම් හරිම රසයි නේද ?”
“මේ බලන්නකෝ පුතේ මේ දොඩම් ගෙඩිය රවුම් නේද… ?”
“ආ … මේ බලන්න මේ කාමරංගා කැපුවම තරු හැඩය නේද …?” (star shape)
“මෙන්න මේ අල ගෙඩිය ඕවලාකාරයි…” (oval shape)
“මේ මුරුංගා කරල හරිම දිගයි නේද… ?”
“මේ බෝන්චි කරල කොටයි නේද පුතේ..?”
“ඔන්න පුතේ මං මේ තැඹිලි පාට කැරට් ගෙඩිය කපනවා, මෙන්න මගේ පුතාට චුටිම චුටි කෑල්ලක් පරිස්සමින් හපන්න ඔනේ හොදද…?”
“පුතේ මෙන්න මං මේ රවුම් දොඩම් ගෙඩිය මිරිකුවා, මෙන්න දොඩම් යුෂ වලට මං සිනි හා ලුණු මිශ්‍ර කරනවා…..මිශ්‍ර කරන්නේ මේ හැන්දෙන් හරිම රසයි දොඩම් යුෂ මගේ දුව බීලා බලන්නකෝ…”
දොඩම් බෑවකින් යුෂ මිරිකීමට දරුවාට ඉඩ දීමට හැකිය.මෙහිදි දරුවාගේ මුළු අතේම සියුම් හා විශාල මාංශප්ෂි ක්‍රියාකාරිත්වය වැඩි වේ. දරුවකුගේ බුද්ධි වර්ධනයට, අතැඟිලි වල ක්‍රියාකාරීත්වය ඉතා වැදගත් වේ.
එසේම ළුණු පොතු සුද්ධ කිරිම ආදි ක්‍රියාවන් මගින් ඔබේ දරුවාගේ සියුම් මාංශපේෂි ක්‍රියාත්මක වේ.
“මේ ළුණු පොතු කුණු කුඩයට දාමු නේද පුතේ…?”
“මේ පොඩි කොස්සෙන් අපි කුණු අතු ගාමුද…?”
“එලවළු සෝදලා අතත් හොදට සොදමු හොදේ…?”
දරුවා සමග එක්වී ගායනය කොතරම් මනරම් වේ ද…. ? එලවළු හා පලතුරු ගැන ඉංග්‍රීසි හෝ සිංහල ළමා ගී ගයන්න.
“Water melon, Water melon, Papaya…..
Peel Banana…..”
එසේ නැතහොත් ඔබ විසින්ම සාදා ගත් ගීත ගායනා කරන්න.
“කැරට්, කැරට්, කැරට්
තැබිලි පාට කැරට්
රසයි ගුනයි කැරට්
කන්න කන්න කැරට්..”
Saru FM Media
