පුංචි ඡන්දයේ තැපැල් ඡන්දය දෙන දින වෙනස් වෙයි

මැයි 06 පැවැත්වීමට නියමිත පළාත් පාලන මැතිවරණයට අදාළ තැපැල් ඡන්දය සලකුණු කිරීමේ දින සංශෝධනය කළ බව මැතිවරණ කොමිෂන් සභාව පවසනවා. 

ඒ අනුව සියලුම රාජ්‍ය ආයතන, පොලීසිය, ත්‍රිවිධ හමුදාව, පාසල්, සංස්ථා, ව්‍යවස්ථාපිත මණ්ඩල, ඇතුළු සියලූම ආයතන සඳහා තැපැල් ඡන්දය සලකුණු කිරීම අප්‍රේල් මාසයේ 24, 25, 28 සහ 29 යන දින 4 තුළ සිදු කිරීමට තීරණය කළ බවයි සභාපති ආර්. එම්. ඒ. එල්. රත්නායක මහතා සඳහන් කළේ. 

පළාත් පාලන මැතිවරණයට අදාළ ආයතන 339 සඳහාම සියලුම ඡන්දහිමියන් වෙත බෙදාහැරීමට නියමිත නිල ඡන්ද දැන්වීම් පත්‍රිකා ඊයේ දිනයේදී අදාළ තේරීම්භාර නිලධාරීන් විසින් තැපැල් දෙපාර්තමේන්තුව වෙත භාරදුන් බවයි මෙහිදී ප්‍රකාශ කෙරුණේ.