පකිස්ථානයට ලබා දෙන ණය සහ ප්‍රදාන, සමාලෝචනය කරන ලෙස ඉන්දියාව ජාත්‍යන්තර මූල්‍ය අරමුදලෙන් ඉල්ලීමක් කර තිබෙනවා.
ඒ, කාශ්මීරයේ පහල්ගම් කලාපයට එල්ල වූ ත්‍රස්ත ප්‍රහාරයෙන් පසු දෙරට අතර උත්සන්න වෙමින් පවතින නොසන්සුන් වාතාවරණය මධ්‍යයේයි.
පකිස්ථානයට මුදල් ලබා දීම තුළින් ත්‍රස්තවාදය පෝෂණය වන බවයි ඉන්දියාව පවසා ඇත්තේ.
මේ අතර පකිස්ථාන ක්‍රිකට් කණ්ඩායමේ ක්‍රිකට් ක්‍රීඩකයන්ගේ ඉන්ස්ටර්ග්‍රෑම් ගිණුම් වෙත ඉන්දියාවේදී ප්‍රවේශ වීමද අවහිර කර තිබෙනවා.
බාබර් අසාම්, මෙහොමඩ් රිස්වාන් වැනි වර්තමාන පකිස්ථාන කණ්ඩායම් නියෝජනය කරන ක්‍රීඩකයන් මෙන්ම වසීම් අක්‍රම් සහ ඉම්රාන් ඛාන් වැනි ක්‍රීඩකයන් රැසකගේ ඉන්ස්ටර්ග්‍රෑම් ගිණුම්වලට ප්‍රවේශවීම එලෙස අත්හිටුවා ඇති බවයි විදෙස් මාධ්‍ය වාර්තාවල දැක්වෙන්නේ.
Saru FM Media
