පකිස්තානයේ ජෆාර් එක්ස්ප්‍රස් දුම්රියේ ගමන් ගත් පිරිස් ප්‍රාණ ඇපයට ගත් සිදුවීමේදී බලුච් විමුක්ති සන්නද්ධකරුවන් එල්ල කළ ප්‍රහාරයෙන් මියගිය පාකිස්තාන හමුදා නිලධාරීන්ගේ පවුල්වල සාමාජිකයින් එම හමුදා නිලධාරීන්ගේ සිරුරු භාර දෙන ලෙස හෝ ඔවුන්ගේ තත්ත්වය තහවුරු කරන ලෙස ඉල්ලීම් කර තිබේ.
ප්‍රහාරය සිදු වූයේ මාර්තු 11 වන දින, ක්වෙටා සිට පෙෂාවර් දක්වා ගමන් කරමින් සිටියදී බලුච් විමුක්ති සන්නද්ධකරුවන් Jaffar Express පැහැරගත් අවස්ථාවේදීය.
දුම්රියේ කාන්තාවන්, ළමයින් සහ ආරක්ෂක නිලධාරීන් ඇතුළු මගීන් 400 කට ආසන්න පිරිසක් සිටි බව වාර්තා වේ.
සන්නද්ධකරුවන් විසින් නිකුත් කරන ලද ප්‍රකාශයකට අනුව, කණ්ඩායම මුලින් සිය ගණනක් මිනිසුන් රඳවා තබා ගත් නමුත් පසුව සියලුම කාන්තාවන්, ළමයින්, වැඩිහිටියන් නිදහස් කර තිබිණි.
සන්නද්ධකරුවන් කියා සිටියේ තමන් රඳවාගෙන සිටියේ හමුදාවන්ට සේවය කරන පිරිස් ලෙස විස්තර කළ අය පමණක් බවයි.
ඔවුන් පකිස්තාන හමුදාවේ, අන්තර් සේවා බුද්ධි අංශයේ (ISI) සහ අනෙකුත් ආරක්ෂක ආයතනවල සාමාජිකයන් ලෙස හඳුනා ගනිමින් හමුදා නිලධාරීන් 214 දෙනෙකු ප්‍රාණ ඇපයට ගත් බව එම කණ්ඩායම ප්‍රකාශ කළේය.
එය මෙම සොල්දාදුවන් “යුද සිරකරුවන්” ලෙස වර්ග කර ඇති අතර, බලොච් දේශපාලන සිරකරුවන්, බලහත්කාරයෙන් අතුරුදහන් වූ පුද්ගලයන් සහ ජාතික ප්‍රතිරෝධක ක්‍රියාකාරීන් කොන්දේසි විරහිතව නිදහස් කරන ලෙස ඉල්ලා පැය 48 ක අවසාන නිවේදනයක් නිකුත් කළේය.
Saru FM Media
