පවුල, ඔබ සතු වටිනාම සම්පත බව අපි දනිමු. එනිසාම ඔබ ඒ වෙනුවෙන් අනේක විධ කැපකිරීම් කරන බවද අපි දනිමු. ඒ නිසාම එදිනෙදා ජීවිතයේදී ඔබගේ පවුලේ ආරක්ෂාවට වැදගත් වන කාරණයක් සම්බන්ධයෙන් ඔබව දැනුවත් කිරීම මෙම ලිපියේ අරමුණයි. නිවසේ සිදුවිය හැකි හදිසි අනතුරකදී වැදගත්වන ප්‍රථමාධාර සම්බන්ධයෙන් ඔබ දැනුවත්ද? ඒ වෙනුවෙන් අවශ්‍ය වන ද්‍රව්‍ය ඔබ සතුව පවතීද? මේ ඒ ගැනයි.
ඔබේ නිවසේ ප්‍රථමාධාර පෙට්ටියක තිබිය යුතුම කළමනා කිහිපයකින් මෙසේ කතාව ආරම්භ කරමු. එදිනෙදා ජීවිතයේදී නිවසේ අයගේ සිදුවන කැපීම්, තදබල සිරීම් වැනි තුවාල බොහෝ හුරුපුරුදු ඒවාය. විශේෂයෙන්ම ඔබේ නිවසේ කුඩා දරුවන් සිටීනම් මෙය සුලබ අත්දැකීමක් වනවාට සැක නැත. එවැනි මොහොතක ඔබේ ප්‍රථමාධාර පෙට්ටියේ තිබිය යුතු දේ ගැන අනිවාර්යෙන්ම ඔබට දැනුවත් බවක් තිබිය යුතුය.
ප්‍රථමාධාර පෙට්ටියේ තිබිය යුතු දේ
දිග, පළල අඟල් 1 X 2, අඟල් 3 X 4, අඟල් 4 X 5 වැනි ප්‍රමාණවලින්
ඔබේ ශරීරයේ විවිධ ප්‍රමාණවලින් යුතු ස්ථාන වෙලීමට අවශ්‍ය වියහැකි නිසා අඟල් 1, 2, 3, 4, 5, 7 වැනි පළලින් යුතුව
නිවසේ ප්‍රථමාධාර පෙට්ටියට අවශ්‍ය ඖෂධ වර්ග
වෛදවරයෙකු විසින් අප වෙත හෝ දරුවන්ට නියම කරන සෑම ඖෂධ වර්ගයක්ම නිවසේ ප්‍රථමාධාර පෙට්ටියේ තබාගත නොහැකි වුවත් වේදනා නාෂක වර්ග වැනි යම් යම් සුළු ඖෂධ අපහට නිවසේ ප්‍රථමාධාර පෙට්ටියේ තබාගත හැකියි. නමුත් ඒවා ද වැඩිහිටි අයෙකු හෝ නිවසේ තබා භාවිත කිරීමට වෛද්‍ය උපදෙස් අනුව මාත්‍රාව පිළිබඳවත් කල් ඉකුත්වීම් දිනය සම්බන්ධවත් අවබෝධයක් ඇතිව ඖෂධ වර්ග තෝරාගත යුතුය.
මේ වනවිටත් ඔබ නිවසේ ප්‍රථමාධාර පෙට්ටියක් ඇත්නම් අඩුපාඩු සම්පූර්ණ කරගන්නට ඔබට හැකියි. ඉතාම වැදගත් වන්නේ ඔබේ ප්‍රථමාධාර පෙට්ටිය දූවිලි නොයන, වතුර කාන්දු නොවන, නොබිඳෙන එකක් වීමයි. එමෙන්ම එය යතුරු දමා වසා තැබිය හැකි විය යුතුයි.
කුඩා දරුවන්ට විවර කළ නොහැකි වනසේ තැබීම වඩාත් උචිත වන අතරම පෙට්ටියේ පිටතින් එහි අඩංගු බෙහෙත් පිළිබඳ හා ඒවා ගබඩා කර ඇති ස්ථාන පිළිබඳ දැනගත හැකි වන අයුරින් ලැයිස්තුවක් අලවා තැබීම පහසුවක් වනු ඇත.
ක්‍රිෂාන්ති ගංගා කුමාරිහාමි මහත්මිය හෙද නිලධාරිනි (1 ශ්‍රේණිය)
පළාත් මහා රෝහල, කුරුණෑගල
Saru FM Media
