කේන්තිය ඔබේ ජීවිතේ පාලනය කරනව වගේ ඔබට තේරෙනවද ?
ඔන්න එහෙනම් අපි අද ඔබට කියල දෙන්න සූදානම් වෙන්නෙ ඔබේ කේන්තිය පාලනය කරගෙන ඔබේ සිතුවිලි හරි විදිහට පිටකර ගන්න ඔබට කියල දෙන්නයි.
කේන්තිය කියන්නෙ හොඳක් නරකක් විදිහට අර්ථ දක්වන්න අපහසු ඉතාම සාමාන්‍ය නීරෝගී සිතුවිල්ලක්.
ඔබ මුහුණ දෙන යම් අවස්ථාවක් අවුල් සහගත නම්, අසාධාරණ නම් එහෙමත් නැත්තම් ඔබට තර්ජනයක් නම් ඒ සඳහා ප්‍රතිචාර දක්වන්න ඉතාම ක්ෂණිකව ඇතිවෙන හැඟීම තමයි කේන්තිය එහෙමත් නැත්නම් තරහව විදිහට බොහෝවිට පිටවෙන්නෙ.
ඉතිං කොතනකදී හෝ ඔබට වැරදි සැළකුම් ලැබෙනවා, අසාධාරණයක් සිදුවෙනවා නම් තර්ජනයක් නම් කේන්තිය ඇතිවීම ඉතාම සාමාන්‍යයි.
නමුත් කේන්තිය එහෙමත් නැත්නම් තරහව ප්‍රශ්නයක් වෙන්නෙ ඔබට ඇතිවෙන කේන්තිය පිටකරගන්න ඔබ තෝරගන්න මාර්ගය අනුවයි.
සමහරවිට ඔබේ කේන්තිය පිටකිරීම සාධාරණයි කියල හෝ ඔබට නීරෝගී බව ගෙන දෙනව කියල ඔබට හිතෙන්න පුළුවන්. ඔබ අවට ඉන්න අතිශය සංවේදී චරිත වලට ඔබේ කේන්තිය ප්‍රදර්ශනය කිරීම සහ ඒ ඔස්සේ ගෞරවයක් ලබා ගැනීමට ඔබ උත්සහ කරනවා වෙන්නත් පුළුවන්.
නමුත් ඇත්ත තත්වය මීට වඩා හාත්පසින්ම වෙනස්. තරහව ඇතිවූ විට එලෙස අපි හැසිරෙන ආකාරය මත අපි අවට සිටින චරිත අපි ගැන සෘණාත්මක වගේම අවාසිදායක ලෙස සිතන්න තියෙන ඉඩකඩ බොහොම වැඩියි.
අන්න ඒ නිසයි කේන්තිය ඇතිවීම පාලනය කිරීම සහ කේන්තිය පිටකිරීම කිසිවෙකුට හානිදායක නොවන ලෙස සිදුකරන්න අපි උත්සහ ගත යුත්තෙ.
නිතරම කේන්ති ගැනීමත් ඒ නිසා ඇතිවෙන මානසික පීඩනයත් නිසා හදවත් රෝග, දියවැඩියාව, අධි රුධිර පීඩනය, ප්‍රතිශක්තිකරණ පද්ධතිය දුර්වල වීම වගේම නින්ද නොයෑම වැනි රෝගී තත්වයන් ඇතිවෙන්න පුළුවන්.
ඔබේ මානසික ශක්තිය දුර්වල කරමින් ඔබේ සිතීමේ සහ අවධානය යොමු කිරීමේ ක්‍රියාවලියට බාධා ඇති කරන්න දීර්ඝකාලීන කේන්තියට පුළුවන්. එය පසුකාලීනව මානසික අවපීඩනය සහ මානසික ආතතිය වැනි මානසික රෝග ගණනාවක් ඇති කරන්න තියෙන ඉඩකඩත් බොහොම වැඩියි.
නිර්මාණාත්මකව ඇතිවෙන විවේචන සහ සංවාද වෘත්තීය ජීවිතය තුළ ඉතාම සුලබ කාරණා ලෙස අපිට හඳුන්වාදෙන්න පුළුවන්. එකිනෙකාගෙන් ඉදිරිපත් වන විවිධ මත නිසා වෙනස් වෙනස් සංකල්ප බිහිවෙන්නත් නොසිතූ කෝණයන් දක්වා සිතන්නත් ආයතනයකට හැකියාව ලැබෙනවා.
නමුත් ඔබ අදහස් හෝ අකමැත්ත ප්‍රකාශ කරනවා වෙනුවට කේන්තිය පිටකිරීමත් බැන වැදීමත් සිදු කලොත් ඔබව වෘත්තීය වශයෙන් කොන් වෙන්න පුළුවන් වගේම හොඳ සබඳතා අහිමිවී ඔබේ වෘත්තීය ජීවිතයේ දියුණුව අහිමි වෙන්නත් පුළුවන්.
පරේක්ෂකයන් පෙන්වා දෙන්නෙ අපේ කේන්තියට බොහෝ විට ලක්වන්නේ සහ එයින් වැඩිපුරම පීඩාවට පත්වන්නේ අප වැඩිපුරම ආදරය කරන සහ අපිට වැඩිපුරම ආදරය කරන පුද්ගලයන් බවයි.
මේ නිසා ඔවුන් තුළ ඔබ ගැන සුව නොවන කැළලක් වගේම පීඩාකාරී සහ වේදනාකාරී මතකයන් ඇතිවෙන්න පුළුවන්.
එයින් ඔවුන්ගේ අවංක අදහස් ඔබත් එක්ක බෙදා ගැනීම සීමාවීමත්, ඔවුන් ඔබෙන් ඈත්ව සිටීමත්, ඔබව අවිශ්වාස කිරීමටත් පෙළඹෙනවා.
ඔබ නිතරම කේන්ති ගන්න කෙනෙක් නම් ඔබට හිතෙන්න පුළුවන් කේන්ති යාම ඔබේ පාලනයෙන් තොර සහ පාලනය කර නොහැකි කාරණාවක් කියල. නමුත් ඔබ සිතනවාට වඩා කේන්තිය පාලනය කිරීමේ හොඳ හැකියාවක් ඔබ සතුයි.
අපි අද ඔබත් එක්ක බෙදාගන්න සූදානම් වෙන මේ කේන්තිය පාලනය කිරීමේ ක්‍රම එක්කම හොඳ විදිහට ඔබේ සිතුවිලි පිටකරන්නත් කේන්තිය පාලනය කරන්නත් ඔබට හැකියාවක් ලැබේවී.
“මට මගෙ කේන්තිය පාලනය කරගන්න බෑ. කේන්තිය පිටකිරීම තමයි ඇඟට හොඳ”
ඔබටත් මෙහෙම හිතෙන්න පුළුවන්. කෝපය නොසලකා හැරීම සහ යටපත් කිරීම ශරීරයට ගුණදායක නොවන බව සත්‍යක්. නමුත් කේන්තිය පිට කිරීමත් සෑමවිටම යහපත් වෙන්නෙත් නෑ. ඇත්තම කාරණාව නම් ආක්‍රමණශීලීව සහ අන් අයට හානිදායක ලෙස කේන්තිය පිටවීම සිදුවන බවයි.
කේන්තිය පිටකිරීම නිසා ඔබට සහනයක් ලැබුනා වුනත් ඊළඟ මොහොතේදී ඔබ වටපිට බලන විට එයින් අවට පුද්ගලයන්ට ඊට වැඩි හානියක් සිදුවී තියෙන්න පුළුවන්.
“මගේ කේන්තිය අදාළ පුද්ගලයාට පෙන්වීම මඟින් ඔහු හෝ ඇය තුළ මා ගැන බයක්, පක්ෂපාතීත්වයක් සහ ගෞරවයක් ඇති කරගන්න මට ලේසියෙන්ම පුළුවන්”
නායකත්වය ලෙසත් පාලනය ලෙසත් බොහෝ දෙනෙක් වැරදියට වටහා ගන්න කාරණාවක් තමයි අපි ඔය ඉහතින් දක්වපු සිතුවිල්ල.
ඇත්ත ! ඔබ ගැන බයක්, ගෞරවයක්, පක්ෂපාතීත්වයක් පෙනෙන්නට තිබෙනවා වෙන්න පුළුවන්. නමුත් ඒ පෙනෙන්නට තිබෙනවා පමණයි. ඔබට ඔවුන් පෙන්වනවා පමණයි. ඇතුළතින් ඔවුන් ඔබව ප්‍රතික්ෂේප කිරීම කොන් කිරීම සහ අවංක නොවීමත් සිදුවී අවසාන බව ඔබට බොහෝකල් යනතුරු වටහා ගන්නට නොහැකි වේවී.
“කෝපය පාලනය කරන්න මට බැහැ. ඒ ගැන මට උදව් කරන්න මටවත් බැහැ.”
කෝපය ඇතිවීම අතිශයින්ම සාමාන්‍ය කාරණාවක් බව අපි ඔබට කීවනෙ. කෝපය එහෙමත් නැත්තම් තරහව ඇතිවීම පාලනය කරන්න අපිට නොහැකි වෙන්නෙ ඒකයි.
නමුත් කෝපය පිටකිරීමත් පිටකරන ආකාරය පාලනය කිරීමත් කරන්න අපිට පුළුවන්. ඒ වගේම මානසිකව, වාචිකව හෝ ශාරීරික හිංසනයකින් තොරව කෝපය පිටකරන්න, අපේ හැඟීම් ප්‍රකාශ කරන්න අපිට වගකීමක් සහ යුතුකමක් තියෙනව කියන එකත් අපි නිතරම සිහියේ තබාගත යුතුම දෙයක්.
ඔබ හානිදායක ලෙස කේන්ති කරා යන බව ඔබේ සිරුරේ යම් යම් ලක්ෂණ වලින් ඔබට ඉඟි ලබා දෙනවා. ඒ ඉඟි ගැන සැලකිලිමත් වෙන්න.
ඔබේ බඩ ප්‍රදේශයෙන් ගැට ගැසීමක් වැනි තත්වයක් දැනෙනවා නම්,
ඔබේ අත් මිට මිරිකී හකු තද වෙනවා නම්,
Saru FM Media
