අද වන විට නාදුනන තුවක්කුකරුවන්ගේ මිලේච්ඡ ඝාතකයන්ගේ ග්‍රහණයට ලක් වූ සමාජයක් බවට අප රට පත්ව ඇති බවත් සංවිධානාත්මක මැර කල්ලි අපරාධ කල්ලි මිනිමරුවන් මිලේච්ඡයන් ජන සමාජයම භීෂණයට ලක් කර ඇති බවත් ජනවාරි 1 වැනිදා සිට මේ දක්වා වෙඩි තැබීම් 28ක් සිදුව 22ක් ජීවිත අහිමි වි ඇති බවත් නීතිය සාමය වල් බිහි වී කැලෑ නීතිය ක්‍රියාත්මක වන බවත් උණ්ඩය බෝම්බය කඩුව පිස්තෝලය තුවක්කුව මුළු සමාජයම යටපත් කර ගෙන ඇති බවත් විපක්ෂ නායකවරයා පැවසීය. Sri Lanka Latest News
අධිකරණය සංකීර්ණය තුළි සිදුවූ මිනිමැරුමේ ප්‍රධාන සැකකාරිය පවා අත්අඩංගුවට ගත නොහැකි වී ඇති බවත් ඩෙස් බංකු ගෙන ආවොත් ජාතික ආරක්ෂාව ගැන ටියුෂන් පන්ති දෙන්නම් කියූ මේ රජය අද රටේ සිදුවන මිනිස් ඝාතන ජාතික ආරක්ෂාවට බලපෑමක් නොමැති බවත් මහජන ආරක්ෂාවට පමණක් එය බලපාන බවට කියන බවත් මේ රජයට යතුරුපැදි තුවක්කුකරුවන් පාලනය කරගත නොහැකි වී ඇති බවත් සංවිධානාත්මක අපරාධකරුවන් සොයාගෙන ඔවුන්ට විරුද්ධව කටයුතු කළ නොහැකි වී ඇති බවත් විපක්ෂ නායකවරයා පැවසීය.
විපක්ෂ නායක සජිත් ප්‍රේමදාස මහතා මේ බව කියා සිටියේ ඉදිරි පළාත පාලන මැතිවරණය වෙනුවෙන් කැස්බෑව ආසනයේ පැවැති ජන හමුවක් අමතමිනි.
අද වන විට මේ සංවිධානාත්මක අපරාධ කල්ලි කුඩා ජාවාරම පාසල් මට්ටමට පවා ගෙනවිත් සමාජයේ බරපතල ගැටලුවක් වී ඇති බවත් රටේ අනාගතය වූ දූදරුවන් බිල්ලට ගන්නා තැනට පත්ව ඇති නිසා මේ සමාජය නීතිගරුක යුක්තිගරුක සමාජයක් බවට පත් කළ යුතු බවත් මේ මිනිමරුවන්ගෙන් රට මුදවා ගෙන මේ මිනිමරු සංස්කෘතිය නතර කරවන්න ශක්තිමත් රාජ්‍ය පාලනයක් රටට අවශ්‍ය බවත් විපක්ෂ නායක සජිත් ප්‍රේමදාස මහතා පැවසීය.
නීතිය හා සාමය යන ක්ෂේත්‍රය මධ්‍යම ආණ්ඩුවේ මහජන ආරක්ෂක අමාත්‍යාංශයට අයිති වුවත් පළාත් පාලන ජයග්‍රහණයෙන් පසුව පලාත් පාලන ආයතනවල මෙහෙයවීම හරහා බිම්මට්ටමේ සිවිල් ආරක්ෂක කමිටු පිහිටුවා ප්‍රජා සහභාගීත්ව ආරක්ෂක කමිටු ඇති කර නීතිය හා සාමය සුරැකීමට කටයුතු කළ හැකි බවත් ප්‍රජා කේන්ද්‍රීයව කටයුතු කිරිම තුළ නීතිය හා සාමය ස්ථාපිත කිරීමේ වැඩපිළිවෙළට සුවිශාල සහයෝගයක් ලබා දිය හැකි බවත් විපක්ෂ නායකවරයා පැවසීය.
සුරංගනා කතා කියලා ජනතා ගැටලු යටපත් කරා ඇති
අද වන විට බඩු මිල ඉහළ ගොස් අධි උද්ධමන තත්ත්වයක් තුළ ජන ජීවිත කඩා වැටි ඇති බවත් අද වන විට වේල් 3 කන්න බැරි ජනතාව සිටින බවත් භාණ්ඩ මිල ඉහළ ගියත් ලැබෙන ආදායම එලෙසම පවතින අතර ගෘහයේ ආදායමේ ක්‍රය ශක්තිය පහළ වැටි ඇති බවත් විශාල කලකිරිමකින් අසහනයකින් පීඩනයකින් රටේ ජනතාව ජිවත් වුවත් මේ බඩු මිල ගැටලුවට රජයෙන් විසදුම් නොමැති බවත් විපක්ෂ නායකවරයා පැවසීය.
සුරංගනා ලෝක මවා පා ලස්සන විසිතුරු වචන ඉදිරිපත් කර සිත්ගන්නා සුළු නිවේදන නිකුත් කර මහජනතාව තවදුරටත් රවටන්නේ නැතිව ජනතා ගැටලුවට විසදුම් ඉදිරිපත් කරන ලෙසත් ජනතාව තවදුරටත් රැවටෙන්න සූදානම් නැති නිසා කඩිනම් විසදුම් අවශ්‍ය බවත් විපක්ෂ නායකවරයා පැවසීය.
Saru FM Media
