භාරත ලක්ෂ්මන් ප්රේමචන්ද්ර ඝාතනයට මරණ දඬුවම නියමව සිටින චමින්ද රවී ජයනාත් හෙවත් දෙමටගොඩ චමින්ද ඝාතනය කිරීමේ තැතක් ඇතැයි වාර්තා වීමත් සමග මධ්යම අපරාධ විමර්ශන කාර්යාංශය විමර්ශනයක් ආරම්භ කර තිබේ.
තමාව බූස්ස බන්ධනාගාරයෙන් වැලිසර නාවික හමුදා කඳවුරට මාරු කිරීම වැළැක්වීම සඳහා චමින්ද මෙය මෙහෙයවා ඇතැයි සැක කරන බව පොලිසිය සඳහන් කළේය.
භාරත ලක්ෂ්මන් ප්රේමචන්ද්ර ඝාතනයට මරණ දඬුවම නියමව සිටින චමින්ද රවී ජයනාත් හෙවත් දෙමටගොඩ චමින්ද නැමැත්තා රඳවා සිටින්නේ බූස්ස අධි ආරක්ෂිත බන්ධනාගාරයේය.
එහි සිට ඔහු ජංගම දුරකථන මාර්ගයෙන් අපරාධ මෙහෙයවන බවට පසුගිය කාලය පුරා බුද්ධි අංශ තොරතුරු වාර්තා කර තිබුණි.
ඒ අනුව දෙමටගොඩ චමින්ද වැලිසර නාවික හමුදා කඳවුර වෙත මාරු කිරීමට පියවර ගන්නා බවට තොරතුරු සැලවීමත් සමග ඔහු එහිදී ඝාතනය කරන බවට වූ හඬ පටයක්ද සමාජ මාධ්ය ඔස්සේ සංසරණය විය.
ඒ අනුව අදාළ සිදුවීම සම්බන්ධයෙන් පොලිස් මධ්යම අපරාධ විමර්ශන කාර්යාංශය විමර්ශනයක් ආරම්භ කළේ එහි අධ්යක්ෂ ජ්යෙෂ්ඨ පොලිස් අධිකාරී කමල් ආරියවංශ මහතාගේ මෙහෙයවීමෙනි.
අනතුරුව ඒ පිළිබඳ අධිකරණයට කරුණු වාර්තා කිරීමෙන් අනතුරුව බූස්ස අධි ආරක්ෂිත බන්ධනාගාරයේ උසස් නිලධාරීන්ගෙන් මෙන්ම දෙමටගොඩ චමින්දගෙන්ද ප්රකාශ ලබාගැනීමට අවසර ලබාගෙන තිබේ.
පොලිසිය සැක පළකරන්නේ බොහෝදුරට මෙය දෙමටගොඩ චමින්ද තමන්ව බූස්ස බන්ධනාගාරයේ සිට වැලිසරට මාරු කිරීම වැළැක්වීම සඳහා එම කටයුත්ත මෙහෙයවා ඇති බවටය.
Saru News
