ජාතික ජන බලවේගයට පළාත් පාලන ආයතන මැතිවරණයේ දැනට ප්‍රකාශිත ඡන්ද ප්‍රතිඵල අනුව පළාත් පාලන ආයතන 261ක සම්පූර්ණ බලාධිකාරිය පැතිරවීමට හැකි ව තිබෙනවා.
කෙසේවෙතත් ඔවුන්ට බහුතර බලයක් හිමිව ඇත්තේ පළාත් පාලන ආයතන 164ක පමණයි.
පළාත් පාලන ආයතන 170ක බලය ජාතික ජන බලවේගයට අහිමි වී තිබෙන යුරු ද දැකිය හැකි වනවා.
මීට අමතර ව ජාතික ජන බලවේගයට ජයග්‍රහණය කිරීමට හැකි වූ පළාත් පාලන ආයතන අතර,
කොළඹ මහ නගර සභාව
දෙහිවල – ගල්කිස්ස මහ නගර සභාව
ශ්‍රී ජයවර්ධනපුර කෝට්ටේ මහ නගර සභාව
මොරටුව මහ නගර සභාව
කොලොන්නාව නගර සභාව
සීතාවකපුර නගර සභාව
මහරගම නගර සභාව
කැස්බෑව නගර සභාව
බොරලැස්ගමුව නගර සභාව
කොටිකාවත්ත – මුල්ලෙරියාව ප්‍රාදේශීය සභාව
සීතාවක ප්‍රාදේශීය සභාව
හෝමාගම ප්‍රාදේශීය සභාව සුවිශේෂී කොළඹ දිස්ත්‍රික්කයේ ජයග්‍රහණය කළ නගර සභා අතර වනවා.
කිසිදු පළාත් පාලන ආයතනයක බලය පිහිටුවීම සඳහා, පරාජිත දේශපාලන පක්ෂ සමග එකතු නොවන අතර ස්වාධීන කණ්ඩායම්වල සහාය අවශ්‍ය වුවහොත් ලබාගන්නා බව ජාතික ජන බලවේගය මැතිවරණ ජයග්‍රහණයෙන් අනතුරුව ප්‍රකාශ කළා.
මේ අතර ලද ඡන්ද ප්‍රතිඵල සම්බන්ධයෙන් අදහස් දක්වමින් විපක්ෂ නායක සජිත් ප්‍රේමදාස මහතා පැවසුවේ ශක්ති සම්පන්න මහජන සේවාවක් උදෙසා විපක්ෂයේ සියලුම බලවේග එකට එකතු කර ගත් ගමනකට නායකත්වය ලබාදීමට තමා සූදානම් බවයි.
Saru FM Media
