දක්ෂිණ අධිවේගී මාර්ගයේ ගැලනිගම ප්‍රදේශයේ අද උදෑසන සිදුවූ අනතුරකින් පුද්ගලයින් හතරදෙනෙකු තුවාල ලැබුවා.
වාහන පෙලක් එකිනෙක ගැටීමෙනුයි අනතුර සිදුව තිබෙන්නේ.
දක්ෂිණ අධිවේගී මාර්ගයේ ගැලනිගම , දොඩංගොඩ අතර ප්‍රදේශයේදීයි අද උදෑසන 5.30ට පමණ අනතුර සිදුවුණේ.
ලොරි රථ දෙකක් , වෑන් රථයක් සහ මෝටර් රථයක් එකිනෙක ගැටීමෙන් අනතුර සිදුව ඇති බවයි පොලිසිය ප්‍රකාශ කළේ.
අනතුරින් පුද්ගලයින් 4 දෙනෙකු තුවාල ලබා රෝහල් ගත කෙරුණා.
තුවාල ලැබුවන් අතර විදේශිකයින් දෙදෙනෙකු ද වනවා.
වෑන් රථය විදේශිකයන් පිරිසක් රැගෙන කොළඹ සිට ගාල්ල දෙසට ගමන් කර ඇති අතර ලොරි රථය සහල් ප්‍රවාහනය කරමින් තිබු බවටයි වාර්තා වුණේ.
මෙම අනතුරත් සමග අධිවේගී මාර්ගයට බාධා එල්ල නොවු බවටයි වාර්තා වුණේ.
Saru FM Media
