සමාජ ක්‍රියාකාරිකයෙකු සහ පොදුජන පෙරමුණේ මැතිවරණ අපේක්ෂකයෙකු වූ ඩෑන් ප්‍රියසාද් මහතාගේ ඝාතනයට සම්බන්ධ ප්‍රධාන වෙඩික්කරු කොළඹ කුරුඳුවත්ත ප්‍රදේශයේ දී අත්අඩංගුවට ගෙන තිබේ. බස්නාහිර පළාත් දකුණු දිසා අපරාධ කොට්ඨාසයේ නිලධාරීන් විසින් ඊයේ (02) දිනවරුවේ දී සිදු කළ වැටලීමකදී මෙම අත්අඩංගුවට ගැනීම සිදු කර ඇත.
අත්අඩංගුවට ගත් සැකකරු 52 හැවිරිදි පුද්ගලයෙකු වන අතර, ඔහු වෑබඩ උතුර ප්‍රදේශයේ පදිංචිකරුවෙකු බව පොලිසිය විසින් ප්‍රකාශ කර තිබේ. වැඩිදුර විමර්ශනවලදී අනාවරණය වී ඇත්තේ මෙම සැකකරු, ඩෑන් ප්‍රියසාද් මහතාගේ සහෝදරයාගේ ඝාතනයට ද සම්බන්ධ පුද්ගලයෙකු බවයි.
පසුගිය අප්‍රේල් 22 වැනි දින රාත්‍රියේ වැල්ලම්පිටිය පොලිස් වසමට අයත් සලමුල්ල ප්‍රදේශයේ මහල් නිවාසයක් තුළ දී සිදු කරන ලද වෙඩි ප්‍රහාරයකින් බරපතල තුවාල ලැබූ ඩෑන් ප්‍රියසාද් මහතා, ජාතික රෝහලේ ප්‍රතිකාර ලබමින් සිටියදී මිය ගියේය.
මෙම ඝාතනය සම්බන්ධයෙන් බස්නාහිර පළාත් දකුණු දිසාවේ අපරාධ අංශය විසින් විමර්ශන ආරම්භ කර තිබූ අතර, කුරුඳුවත්ත පොලිස් වසමේ දී සිදු කළ වැටලීමකදී ප්‍රධාන වෙඩික්කරු අත්අඩංගුවට ගැනීමට හැකි විය.
පොදුජන පෙරමුණේ මැතිවරණ අපේක්ෂකයෙකු වූ ඩෑන් ප්‍රියසාද් මහතා ක්‍රියාකාරී සමාජ සේවකයෙකු ලෙස ද ප්‍රදේශයේ ප්‍රසිද්ධ චරිතයක් විය.
වෙඩි තැබීමේ සිද්ධිය වැල්ලම්පිටිය සලමුල්ල ප්‍රදේශයේ මහල් නිවාස සංකීර්ණයක් තුළ සිදු වූ අතර, එම ස්ථානයේ දී වෙඩි වැදී බරපතල තුවාල ලැබූ ප්‍රියසාද්වහාම ජාතික රෝහලට ඇතුළත් කරන ලදී. එහෙත් දැඩි තුවාල හේතුවෙන් ඔහු එදිනම රාත්‍රියේ ජීවිතක්ෂයට පත් විය.
මෙම සිද්ධිය සම්බන්ධයෙන් විමර්ශන භාර ගත් බස්නාහිර පළාත් දකුණු දිසාවේ අපරාධ අංශයේ නිලධාරීන් කඩිනම් විමර්ශන ආරම්භ කළ අතර, තොරතුරු රැස් කිරීමේ දී මෙම ඝාතනයට සම්බන්ධ ප්‍රධාන සැකකරුගේ අනන්‍යතාවය හඳුනා ගැනීමට හැකි විය.
ඊයේ දිනයේ දී සිදු කළ විශේෂ මෙහෙයුමකදී, කුරුඳුවත්ත පොලිස් වසමේ දී එම සැකකරු සැඟවී සිටින බවට ලැබුණු තොරතුරක් මත වැටලීමක් සිදු කර ඔහු අත්අඩංගුවට ගැනීමට පොලිස් නිලධාරීන් සමත් වූහ.
දැනට අත්අඩංගුවට ගෙන ඇති සැකකරු මීට පෙර සිදු වූ තවත් ඝාතනයකට ද සම්බන්ධ බව පොලිස් විමර්ශනවලදී අනාවරණය වී තිබේ.
විශේෂයෙන්ම, ඩෑන් ප්‍රියසාද් ගේ සහෝදරයාගේ ඝාතනයට ද මෙම සැකකරු සම්බන්ධ වූ බව තහවුරු වී ඇත.
සිද්ධිය සම්බන්ධයෙන් මීට පෙරත් එක් පුද්ගලයෙකු වෙඩි තැබීමට සම්බන්ධ අයෙකු යයි පවසා පොලිසිය අත්අඩංගුවට ගෙන තිබූ අතර ඩෑන් ප්‍රියසාද්ගේ බිරියගේ නැගණියද ප්‍රශ්න කිරීම් වලට ලක්කර තිබුණි.
ලැබී ඇති තොරතුරු අනුව ඩෑන්ගේ බිරියගෙ නැගනියගේ සැමියා මෙම ඝාතනයේ මහමොළකරු බව පැවසෙන අතර එකී සැමියාගේ පියාද පාතාලයට සම්බන්ධ අයෙකු ලෙස සැලකේ.
මෙම පිය පුතු දෙපළ තවම අල්ලාගෙන නැත.
මෙම නව අනාවරණය සමඟ, ප්‍රියසාද් මහතාගේ ඝාතනය හුදෙක් හදිසි සිදුවීමක් නොව, පවුල් ආරවුලක් හෝ පළිගැනීමක පසුබිමක් සහිත සැලසුම් සහගත ක්‍රියාවක් විය හැකි බවට විමර්ශකයින්ගේ අවධානය යොමු වී තිබේ.
Saru FM Media
