හිටපු වෙළඳ ඇමති ජොන්ස්ටන් ප්රනාන්දු ඇතුළු තිදෙනෙකුට එරෙහිව අල්ලස් හෝ දූෂණ චෝදනා විමර්ශන කොමිසම විසින් ගොනු කර ඇති නඩුවේ වැඩිදුර සාක්ෂි විභාගය මාර්තු 18 වනදා යළි කැඳවන ලෙස කොළඹ මහාධිකරණ විනිසුරු මොහොමඩ් මිහාල් අද (06) නියම කර තිබේ.
ඒ එම නඩුව අද කැඳවූ අවස්ථාවේදීය.
හිටපු ඇමති ජොන්ස්ටන් ප්රනාන්දු, 2010 වසරේ සිට 2014 වසර දක්වා කාලසීමාව තුළ වෙළඳ ඇමති වශයෙන් කටයුතු කරමින් සතොස ආයතනයේ සේවකයින් ඔවුන්ගේ නීත්යනුකූල රාජකාරිවලින් ඉවත් කර දේශපාලන කටයුතුවල යෙදවීම තුළින් රජයට පාඩු සිදු කිරීම සම්බන්ධයෙන් හිටපු වෙළඳ ඇමති ජොන්ස්ටන් ප්රනාන්දු, සතොස ආයතනයේ හිටපු සභාපති එරාජ් ප්රනාන්දු සහ එහි ක්රියාකාරී අධ්යක්ෂකවරයෙකු වන මොහොමඩ් සාකීර් යන අයට එරෙහිව අල්ලස් කොමිසම විසින් මෙම නඩුව ගොනු කර තිබිණි.
එහිදී වෙනත් නඩුවක් සඳහා රක්ෂිත බන්ධනාගාර ගත කර සිටින හිටපු ඇමති ජොන්ස්ටන් ප්රනාන්දු සහ මොහොමඩ් සාකීර් යන විත්තිකරුවන් බන්ධනාගාර නිලධාරියන් විසින් අධිකරණයට ඉදිරිපත් කර තිබිණි.
0
Saru News
