ආණ්ඩුව පවසන ආකාරයට ජාත්යන්තර සම්බන්ධතා ශක්තිමත්ව පවත්වාගෙන යන්නේ නම්, අපනයන සඳහා තීරු බදු සහන ලබාගැනීමට හැකියාවක් ලැබී නැත්තේ ඇයිදැයි සමගි ජන බලවේගයේ පාර්ලිමේන්තු මන්ත්රී, ආචාර්ය හර්ෂ ද සිල්වා මහතා ප්රශ්න කරයි.
සිළුමිණ සමඟ සම්මුඛ සාකච්ඡාවකට එක්වෙමින් ඔහු මේ අදහස් පළකර තිබිණි.
ඉන්දියාව අමෙරිකාව සමඟ වෙළෙඳ ගිවිසුමකට අදාළ පසුබිම සකස් කරගැනීමෙන් පසු තමන්ට පනවා තිබූ බදු අඩු කරගත් බවත්, ඉන් නොනැවතී යුරෝපා සංගමය සමඟ ද එවැනි ගිවිසුමකට පැමිණ ඒ හරහා ඉන්දියාවේ නිෂ්පාදන යුරෝපයේ රටවල් 20කට තීරු බදු රහිතව යැවීමට අවස්ථාව සකසාගෙන ඇති බවත් මන්ත්රීවරයා වැඩිදුරටත් සඳහන් කරයි.
බංග්ලාදේශය ද අමෙරිකාව සමඟ මෙවැනි ගිවිසුමකට ගොස් ඇති බවත් ලංකාවට එවැනි අවස්ථාවක් ලබාගැනීමට මෙතෙක් හැකියාවක් ලැබී නැති බවද මන්ත්රීවරයා පෙන්වාදෙයි.
Saru News
