ජනමාධ්යවේදීන්ගේ කුසලතා සංවර්ධනය වෙනුවෙන් උසස් අධ්යාපන ශිෂ්යත්ව පිරිනැමීමට සහ තාක්ෂණික ප්රවේශයන් සඳහා සහාය ලබාදීමට 2026 අය-වැයෙන් රුපියල් මිලියන 100ක් වෙන් කර ඇති බව සෞඛ්ය හා ජනමාධ්ය ඇමැති වෛද්ය නලින්ද ජයතිස්ස මහතා පාර්ලිමේන්තුවේ දී ඊයේ (03) පැවසීය.
මේ වසරේදී ශිෂ්යත්ව සඳහා රුපියල් මිලියන 54 කුත් තාක්ෂණික ප්රවේශ සඳහා රුපියල් මිලියන 50 කුත් ලෙස මුදල් වෙන් කර ඇතැයි ද ඇමැතිවරයා පැවසුවේය.
ජාතික ජන බලවේගයේ මාතර දිස්ත්රික් මන්ත්රී ලාල් ප්රේමනාත් මහතා වාචිකව ඇසූ ප්රශ්නයට පිළිතුරු දෙමින් ඇමැතිවරයා මේ බව කියා සිටියේය.
ජනමාධ්යවේදීන්ගේ කුසලතා සංවර්ධනය වෙනුවෙන් 2025 වසරේදී මේ සඳහා වෙන් කර තිබුණේ රුපියල් මිලියන 7ක් බවත් එම අරමුදල් භාවිත කර මාධ්යවේදීන් 61කට ශිෂ්යත්ව ලබාදුන් බවත් ඇමැතිවරයා පැවසුවේය.
තාක්ෂණික ප්රවේශය සඳහා වෙන් කර ඇති මුදලින් මාධ්යවේදීන්ගේ ධාරිතා සංවර්ධනය සඳහා යෙදවීමට පියවර ගන්නා බව ද ඇමැතිවරයා ප්රකාශ කළේය. මෙරට ක්රියාකාරී ප්රාදේශීය මාධ්යවේදීන් සහ වාර්තාකරුවන් සංඛ්යාව 2025 දෙසැම්බර් 31 වැනිදා වන විට 876 ක් බවත් මාධ්ය හැඳුනුම්පත් ලබා ගත නොහැකි වූ අයට නැවත අයදුම් කර හැඳුනුම්පත ලබා ගත හැකි බවත් ඇමැතිවරයා ප්රකාශ කළේය.
ප්රාදේශීය මාධ්යවේදීන්ට ගෙවන ගෙවීම් ඇතැම් මාධ්ය ආයතනවලින් ප්රමාද කරන බවට වාර්තා වන බවත් රජයේ ප්රවෘත්ති අධ්යක්ෂවරයා විසින් අදාළ ගෙවීම් මාධ්යවේදීන්ට ගෙවන ලෙසට දැනුම් දී ඇති බවත් ඇමැතිවරයා පැවසුවේය.
මාධ්යවේදීන්ගේ අයිතිවාසිකම් උල්ලංඝනය වන්නේ නම් ඔවුන්ට නීතියෙන් සාධාරණය ඉටු කරන බව ද ඇමැතිවරයා කීය.
Saru News
