මැදපෙරදිග කලාපය පුරා යුදමය වාතාවරණයක් ව්යාප්ත වෙමින් පවතින පසුබිමක, අමෙරිකානු සහ ඊශ්රායල ප්රහාර හමුවේ ඉරානය තමන්ව ආරක්ෂා කර ගැනීමට ගන්නා පියවරයන් සඳහා චීනයේ සහාය හිමිවන බව චීන විදේශ අමාත්ය වැන්ග් යී මහතා කියා සිටී.
චීන විදේශ අමාත්යවරයා සහ ඉරාන විදේශ අමාත්ය අබ්බාස් අරග්චි අතර පැවති දුරකථන සාකච්ඡාවකදී මෙම අදහස් පළ වී ඇති බව චීන මාධ්ය වාර්තා කර තිබේ.
චීනය සහ ඉරානය අතර පවතින දීර්ඝකාලීන මිත්රත්වය අගය කරන බවත්, ඉරානයේ ස්වෛරීභාවය, ආරක්ෂාව, භෞමික අඛණ්ඩතාව සහ ගෞරවය ආරක්ෂා කර ගැනීමට චීනය සහාය දක්වන බවත් වැන්ග් යී මෙහිදී අවධාරණය කර ඇත.
ඉරානයේ අයිතිවාසිකම් සහ අවශ්යතා සුරැකීම සඳහා චීනය සැමවිටම පෙනී සිටින ද බව ඔහු වැඩිදුරටත් පවසා තිබේ.
අමෙරිකාව සහ සහ ඊශ්රායලය සිය හමුදා මෙහෙයුම් වහාම නතර කළ යුතු බවත්, උණුසුම් තත්ත්වය තවදුරටත් වර්ධනය වීම වළක්වාලමින් මුළු මැදපෙරදිග කලාපයම යුද්ධයකට ඇද වැටීම වැළැක්වීමට කටයුතු කළ යුතු බවත් චීනය මෙහිදී බලකර ඇති බව ද විදෙස් මාධ්ය වාර්තා කර ඇත.
Saru News
