රූපලාවණ්‍ය නිෂ්පාදන භාවිතා කරන නොකරන ඕනෑම කෙනෙක් අනිවාර්යයෙන් පාවිච්චි කරන දෙයක් තමයි ෂැම්පු.හරි විදියට ෂැම්පු එකක් තෝරා ගන්න කලින් අපි සැලකිලිමත් වෙන්න ඕනෑ ප්‍රධාන කාරණා කිහිපයක්ම තියෙනවා. ඔබට මේ ලිපියෙන් ඒ ගැන දැන ගන්න පුලුවන්.
සබන් වල පවතින්නේ ලිපිඩ සහිත සත්ව තෙල් වර්ග. ඒ නිසා කොණ්ඩය වියළි සහ ඩැමේජ් වෙනවා. ඒ වගේම හිස් කබල වියළීමට ලක් වෙනවා. ඒත් ෂැම්පු වලින් කොණ්ඩය සිනිඳු වෙනවා. එහි පවිත්‍ර වීම සහ ආරක්ෂා කරන සංඝටක අඩංගු වීම එයට හේතුවයි. ඒ නිසා සබන් කොණ්ඩයට නොයොදා ෂැම්පු එකක්ම භාවිතා කරන්න.
ඔබ ෂැම්පු යොදන විට කොණ්ඩය හොඳින් සෝදා ගන්න. ෂැම්පු අතට ගෙන එයට වතුර මිශ්‍ර කරන්න. එය හොඳින් හිසේ ගල්වා ඇඟිලි තුඩුවලින් හිස් කබල මසාජ් කර සෝදා හරින්න
ස්වභාවික ද්‍රව්‍යවලින් නිවසේදීම ෂැම්පු හදා ගන්නත් පුලුවන්.
පොල් කිරි කෝප්ප එකහමාරක්, විටමින් E තෙල් බිඳු කීපයක්, පොල් තෙල් තේ හැන්දක්, ඔලිව් ඔයිල් තේ හැඳි භාගයක් සහ බිත්තර කහ මදයක් ගෙන එකට මිශ්‍ර කර හිස කෙස් වල ගල්වන්න.
බිත්තර කහ මදයක්, මී පැණි මේස හැඳි 3ක්, පොල් කිරි මේස හැඳි 3ක්, පොල් තෙල් තේ හැඳි 2ක් සහ විටමින් E තේ හැන්දක් ගෙන එකට මිශ්‍ර කර හිසේ ගල්වන්න.
බිත්තර කහ මද දෙකක් සහ ලෙමන් යුෂ තේ හැඳි දෙකක් එකට මිශ්‍ර කර, කෙස් වල ගල්වා සෙමින් සම්බාහනය කරන්න. ඉන් පසු මඳ රස්නය ඇති ජලයෙන් සෝදා හරින්න.
බේකින් සෝඩා තේ හැන්දක්, ආමන්ඩ් ඔයිල් බිඳු කීපයක්, පෙපර්මින්ට් ඔයිල් බිඳු කීපයක්, ලෙමන් යුෂ තේ හැන්දක් සහ ජලය කෝප්පයක් ගෙන එකට මිශ්‍ර කරන්න. මෙය ශීතකරණයේ තබා ස්නානය කරන විට ප්‍රයෝජනයට ගන්න (හිසේ ආලේප කිරීමට පෙර බෝතලය හොඳින් සොලවන්න).
උකු පොල් කිරි කෝප්පයක් සහ කඩල පිටි මේස හැඳි 2ක් ගෙන එකට මිශ්‍ර කර හිස කෙස් වල ආලේප කරන්න.
වෙරළු කොළ මිරිකා ගත් ඉස්ම ෂැම්පු ලෙස භාවිතා කළ හැක.
ගොඩපර කොළ මිරිකා ගත් ඉස්ම ෂැම්පු ලෙස භාවිතා කළ හැක.
ජලයට කොහොඹ කොළ දමා උතුරවන්න. එය නිවෙන තෙක් තබා කොහොඹ කොළ අඹරා පල්පයක් සේ සාදා ෂැම්පු ලෙස භාවිතා කරන්න.
පොල් තෙල්, ඔලිව් තෙල් සහ මී පැණි තේ හැඳි 2ක් සහ යෝගට් තේ හැඳි 3ක් එකට මිශ්‍ර කර හිසේ ගල්වන්න.
Saru FM Media
