කොටහේන පොලිස් වසමේ සුමිත්‍රාරාම පාර ප්‍රදේශයේ නිවසක් ඉදිරිපිට ඊයේ (16) රාත්‍රියේ සිදු වූ වෙඩිතැබීමේ තොරතුරු කිහිපයක් මේ වනවිට අනාවරණය වී තිබෙනවා.
පොලිසිය සැකපළ කරන්නේ පාතාල කල්ලි අතර පවතින ගැටුමක ප්‍රතිඵලයක් ලෙස මෙම වෙඩිතැබීම සිදුකර ඇති බවයි.
යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් නිවසක් ඉදිරිපිට රැඳී සිටි පුද්ගලයෙකුට සහ කාන්තාවකට වෙඩි තබා පලාගොස් තිබුණා.
වෙඩි වැදීමෙන් තුවාල ලැබූ එම පිරිමි පුද්ගලයා සහ කාන්තාව ප්‍රතිකාර සඳහා කොළඹ ජාතික රෝහලට ඇතුළත් කිරීමටයි කටයුතු කර තිබුණේ.
තුවාලකරු වයස අවුරුදු 42ක් හා තුවාලකාරිය වයස අවුරුදු 70ක් වන කොටහේන ප්‍රදේශයේ පදිංචිකරුවන් බවයි වාර්තා වුණේ.
මෙම වෙඩි තැබීම සඳහා පිස්තෝල අවියක් යොදාගෙන ඇති බවයි පොලිසිය සඳහන් කළේ.
වෙඩි ප්‍රහාරයට ලක්වූ පිරිමි පුද්ගලයා පූකුඩුකන්නා නැමැති මත්ද්‍රව්‍ය ජාවටම්කරුවෙක් සහ සංවිධානාත්මක අපරාධකරුගේ සමීපතමයෙක් බවයි අනාවරණය වී ඇත්තේ.
සිද්ධිය සම්බන්ධයෙන් කොටහේන පොලීසිය වැඩිදුර විමර්ශන සිදුකරනු ලබනවා.
Saru FM Media
