මෙරට ජාතික ආර්ථිකය ශක්තිමත් කිරීමේදී කෘෂිකර්මාත්තය එහි ප්‍රධානතම අංගය ලෙස සලකන බව ජනාධිපති අනුර කුමාර දිසානායක මහතා පවසනවා.
අනුරාධපුර ජය ශ්‍රී මහා බෝ සමිඳුන් අභියස අද පෙරවරුවේ පැවති 58 වන ජාතික අලුත් සහල් මංගල්‍යයට එක්වෙමින් ජනාධිපතිවරයා මේ බව කියා සිටියා.
කෘෂිකර්මාන්තය ආහාර උත්පාදනය කරන ක්ෂේත්‍රයක් පමණක් නොව මෙරට පරිසර පද්ධතියේ තිරසාර සංවර්ධනයට අවශ්‍ය වන ක්ෂේත්‍රයක් වන බවද ජනාධිපතිවරයා එහිදී සඳහන් කළා.
අමාත්‍යවරුන් වන කේ ඩී ලාල්කාන්ත, වසන්ත සමරසිංහ, නියෝජ්‍ය අමාත්‍ය නාමල් කරුණාරත්න සහ දිවයිනේ විවිධ ප්‍රදේශවල ගොවි සංවිධානවල නියෝජිතයින් ඇතුළු පිරිසක් මෙම අවස්ථාවට එක්ව සිටියා.
Saru FM Media
