හවානා නුවර මැලෙකොන් (Malecón) වෙරළ තීරය ඊයේ (02) අලුයම සාමාන්ය දිනයකට වඩා වෙනස් මුහුණුවරක් ගත්තේය. ඒ, දශක ගණනාවක අධිරාජ්යවාදී බලපෑම් හමුවේ වුවද, තම මව්බිමේ අභිමානය සහ ෆිදෙල් කැස්ත්රෝගේ උරුමය වෙනුවෙන් පෙනී සිටින දහස් සංඛ්යාත තරුණ තරුණියන්ගේ ‘Here with Fidel’ ලෙස නම්කළ දැවැන්ත පෙළපාලියෙනි.
මෙම සුවිශේෂී අවස්ථාවට කියුබානු ජනාධිපති මිගෙල් ඩයස්-කැනල් බර්මුඩෙස් ඇතුළු රජයේ ඉහළ පෙළේ නායකයින් රැසක් සහභාගී වෙමින් තරුණ කණඩායමේ ජවයට ශක්තියක් වූහ.
ස්පාඤ්ඤ භාෂාවෙන් Unión de Jóvenes Comunistas (UJC) හඳුන්වන ලබන කියුබානු තරුණ කොමියුනිස්ට් සංගමයේ ප්රධාන ලේකම්වරිය වන Meyvis Estévez Echevarría විසින් පවත්වන ලද ප්රධාන දේශනය කාගේත් නෙතට කඳුළක් මෙන්ම සිතට දිරියක් එක් කළ බව එරට මාධ්ය වාර්තා කරයි. ඇය පක්ෂයේ මධ්යම කාරක සභාවේ සාමාජිකාවක මෙන්ම රාජ්ය කවුන්සිලයේ සාමාජිකාවකද වෙනවා.
ඇය අවධාරණය කළේ අසාධාරණ ආර්ථික අවහිර කිරීම් හේතුවෙන් ඇති වී තිබෙන මැනිය නොහැකි තෙහෙට්ටුව සහ වේදනාව මධ්යයේ වුවද, කියුබානු පවුල්වල සිනහව සහ විප්ලවීය ගෞරවය කිසිවෙකුට උදුරා ගත නොහැකි බවයි.
“ඔවුන්ට අවශ්ය වන්නේ අප සිහින දැකීම නැවැත්වීමට, අනුගත වීමට, විදේශගත වීමට හෝ අත්හැරීමටයි. නමුත් ඔවුන් වැරදියි! අපේ තරුණයින්ගේ ආදරය සහ කැපවීම ඔවුන්ගේ වෛරයට වඩා බලවත්. අද අපට ප්රීතිය, කැපවීම සහ අරගලයේ අවස්ථා සිහිපත් වේ. අපගේ තරුණ කොමියුනිස්ට් සංගමය සහ හෝසේ මාර්ටි පුරෝගාමීන්ගේ සංවිධානය තමන්ගේ 64 වන සහ 65 වන සංවත්සර සැමරීමට ආසන්නයි. ජන සංහාරක අවහිරය හේතුවෙන් වර්ධනය වීමට ඇති නිදහස අඛණ්ඩව ප්රතික්ෂේප කිරීම සහ දරුණුතම හුස්ම හිරවීම් සියල්ලන්ම විඳදරාගත් බැවින්, මගේ හඬ මැනිය නොහැකි වේදනාව, මැනිය නොහැකි තෙහෙට්ටුව සහ සාකච්ඡා කළ නොහැකි ගෞරවය රැගෙන යයි” ඇය පැවසුවාය.
විවිධ පරම්පරාවලට අයත් දරුවන්, නව යොවුන් වියේ පසුවන්නන් සහ කියුබානුවන් එක්රැ කළ මෙම හමුවේ දී රූබන් බ්රාවෝ මූලික ද්විතීයික පාසලේ අටවන ශ්රේණියේ සිසුවෙකු වන Alan Días Maceo තම රටට එරෙහි අසාධාරණ සහ රළු අධිරාජ්ය අවහිර කිරීම හෙළා දකිමින්, එදිනෙදා ජීවිතයට එහි විනාශකාරී බලපෑම් ඉස්මතු කරමින් අදහස් දැක්විය. ඔහුගේ කතාව අවසන් කළේ “Viva Cuba libre!” යන ප්රකාශයෙනි.
Hermanos Martínez Tamayo පූර්ව විශ්ව විද්යාල වෘත්තීය ආයතනයේ ශිෂ්යාවක් වන Jesica Izaguirre Hernández, ඔවුන්ගේ ජීවත්වීමේ අයිතියට ගරු කරන ලෙසත්, ලෝකයේ කිසිදු බලවේගයකට විප්ලවය අවසන් කළ නොහැකි බවත් පැවසුවාය.
“අපගේ මුදු මොළොක් බව ඉවත් කිරීමට හෝ අපගේ ආත්මයන් යටත් කිරීමට කිසිවෙක් සමත් වී නැත. ඔවුන් වැරදියි. අපගේ තරුණයින්ගේ ආදරය, ප්රතිරෝධය, කැපවීම සහ ක්රියා කිරීමට ඇති ආශාව පරාජය කළ නොහැකියි.
අපි, පුරෝගාමීන් සහ තරුණයින්. අප්රේල් 4 වන දින එළිපත්ත මත සිටිමු. විපත්ති මධ්යයේ ප්රතිරෝධය දැක්වීමට, නවෝත්පාදනය කිරීමට සහ නිර්මාණය කිරීමට ඉගෙන ගත් පරම්පරාව අපියි.
මේ සටනේදී, අප සමඟ සදාකාලික තරුණ කැරලිකාර අපගේ ෆිදෙල් සිටී. පරම්පරා ගණනාවක් අපගේ ඓතිහාසික වගකීම දැනීම නතර නොකර, දුෂ්කරතා ජය ගනිමින්, අභියෝග භාර ගනිමින් ඔහුගේ කාර්යය දිගටම කරගෙන ගොස් ඇත.
ෆිදෙල්ගේ ශත සංවත්සරය සනිටුහන් කරන මේ වසරේ මෙම අධිරාජ්ය විරෝධී රැලිය ෆිදෙල් සමඟ අපේ ඇති අඛණ්ඩතාව සංකේතවත් කරයි. ඔහුගේ අදහස් කිසිදා මිය නොයන බව සහතික කරයි” ඇය තවදුරටත් පැවසුවාය.
දිනමිණ
2
Saru News
