සටහන: සශිකලා මධුෂාණි
අප්‍රේල් 29; ලෝකය(අවුට්බවුන්ඩ් ටුඩේ): අප්‍රේල් මස 26 වන දින පැවති කණඩා මැතිවරණයේ ජන්ද ප්‍රතිඵල මේ වන විට ප්‍රකාශයට පත්වෙමින් පවතින බව වාර්තා වේ.
මැතිවරණයේ මුල් ප්‍රතිඵල වලින් පෙනී යන්නේ ප්‍රධාන පක්ෂ දෙක වන ලිබරල් පක්ෂය හා කොන්සර්වේටිව් පක්ෂය අතර දැඩි තරඟයක පවතින බවත්, මීළඟ අග්‍රාමාත්‍ය තනතුර වෙනුවෙන් ලිබරල් පක්ෂයේ මාර්ක් කාර්නි සහ කොන්සර්වේටිව් පියරේ පොයිලිවර් අතර තීරණය වන බවත්ය.
මෙතෙක් නිකුත්වී ඇති ප්‍රතිඵල වලට අනුව, ලිබරල් පක්ෂයට මේ වන විට ආසන 21 ක් හිමි වී ඇති අතර කොන්සර්වේටිව් පක්ෂයට හිමිව ඇත්තේ ආසන 8ක් පමණය.
කෙසේ නමුත්, කැනඩා පාර්ලිමේන්තුවේ බහුතරයක් ලබා ගැනීම සඳහා පක්ෂයකට ආසන 172 අවශ්‍ය වේ.
මෙවර මැතිවරණයේ එක්සත් ජනපද ජනාධිපති ඩොනල්ඩ් ට්‍රම්ප්ට ප්‍රතිචාර දක්වන්නේ කෙසේද යන්න තීරණාත්මක සාධකයක් වූ අතර මීට අමතරව විවාදයේ සඳහන් වූ කරුණු අතර ජිවන වියදම් ඉහල යාම හා නිවාස දැරිය හැකි මිලකට ලබා ගැනීම සාකච්ජා විය.
Saru FM Media
