වර්තමානයේ දී ඉවුම් පිහුම් සඳහා කහ සොයා ගැනීම ඉතා අපහසුයි.මේ කහ හිඟකම නිසාම මේ දිනවල කහ මිලාධික බෝගයක් වෙමින් පවතිනවා. ඒ නිසාම ඔබේ ගෙවත්තේ කහ පැල කිහිපයක් සිටුවා ගෙන නිවසේ පාවිච්චියට අවශ්‍ය කහ නිෂ්පාදනය කර ගන්න ආකාරය ගැන ඔබව දැනුවත් කරන්න අපි හිතුවා.
මේ ලිපිය සැකසෙන්නේ ඒ පිළිබඳව අපනයන කෘෂි දෙපාර්තමේන්තුවෙන් කළ විමසීමක් ඇසුරෙන්.
මුහුදු මට්ටමේ සිට මීටර 1,500ක් දක්වාම උස් ප්‍රදේශවල කහ වගා කළ හැකියි.වියලි කලාපයේ තත්වයන් යටතේද කහ වගා කළ හැකියි.ඒ කියන්නේ අපි ජීවත් වන බොහෝ ප්‍රදේශවල කිසිදු ගැටලුවක් නැතිව කහ හොඳින් පැල කර ගන්න අපිට පුලුවන්.
කහ සදහා වාර්ෂික වර්ෂාපතනය මි.මී 1500ක් හෝ ඊට වැඩි ප්‍රමාණයක් අවශ්‍ය වෙනවා.
සුදුසු පරිසර උෂ්නත්වය 20-35 C අතර පවතිනවා.විවිධ පස් වර්ග වල කහ වගා කළ හැකි වුවත් මනා ජල වහනයක් ඇති කාබනික ද්‍රව්‍ය සහිත වැලි ලෝම පස කහ වගාවට ඉතා යෝග්‍යයි. දුර්වල ජල වහනයක් සහිත පස්, ගල් බොරලු අධික පස් සහ මැටි පසද කහ වගාවට සුදුසු වෙන්නේ නෑ.
තෙත් කලාපයේ කහ වගා කරනු ලබන්නේ යල කන්නයේ වැසි සමග මාර්තු හෝ අප්‍රේල් මාසවල.වියළි ප්‍රදේශ වල, මහ කන්නයේ වර්ෂාවත් සමග සැප්තැම්බර්, ඔක්තෝබර් සහ නොවැම්බර් මාස වල වගා කෙරෙනවා.කහ බහුලව වගා කරන්නේ මඳ සෙවණ ඇති ගෙවතු හා පොල් කෙසෙල් වැනි බෝග සමග අතුරු බෝගයක් ලෙසයි.
රෝපණ ද්‍රව්‍ය.
කුඩා ඉඩක් සහිත ගෙවත්තක කහ වවන ආකාරය ගැන මුලින්ම අපි සොයා බලමු.
වගා කවරයේ කහ සිටුවා ගන්නා ආකාරය.
ඉඩ කඩ ඇති ගෙවත්තක වැඩි කහ ප්‍රමාණය වගා කරන්නෙ මේ ආකාරයටයි
අඩි 4*10 පාත්තියකට
මූලික පොහොර ලෙස
ගොම පොහොර හෝ කොම්පෝස්ට් = කිලෝග්‍රෑම් 5
ට්‍රිපල් සුපර් පොස්පේට් (TSP) = ග්රෑම් 50
සිටවා දින 45 ට පසු
යූරියා ග්රෑම් = 32.5
M.O.P. ග්රෑම් = 50
සිටවා දින 90 ට පසු
යූරියා ග්රෑම් = 32.5
M.O.P. ග්රෑම් = 50
පොහොර යෙදීමට පෙර වල් නෙලන්න.
පසෙහි ප්‍රමාණවත් තෙතමනයක් තිබිය යුතුයි
ඉන් පසු වසුන් කරන්න.
එක පැළයකට ගිනිපෙට්ටි පියනකින් එකක් පමණ අවශ්‍ය වෙනවා.
නැවත මාස හයකින් පොහොර යොදන්න.
ඔබට ඉඩකඩ ඇති ගෙවත්තක් තිබේ නම් කහ වගා කිරීම ස්වයං රැකියාවක් ලෙස ආරම්භ කරන්නත් මේ ලිපිය ඔබට උදව්වක් වේවි.
Saru FM Media
