රෂිකා හෙන්නායක පෙබරවාරි 10,කොළඹ LNW :
අද (10) පැවැති කැබිනට් තීරණ දැනුම්දීමේ මාධ්ය හමුවට එක්වෙමින් අමාත්යවරයා පැවසුවේ, විස්සයි 20 තරගයට අදාළව එළැඹෙන 15 වැනි දින කොළඹදී පැවැත්වීමට නියමිත ඉන්දු – පාකිස්තාන ක්රිකට් තරගය සඳහා විශේෂ ආරක්ෂක වැඩපිළිවෙළක් ක්රියාවට නංවා ඇති බවයි.
පාකිස්තාන රජය විසින් මින් පෙර මෙම තරගයට එක් නොවීම සම්බන්ධව ගත් තීරණය පසුව ශ්රී ලංකාවේ මැදිහත් වීමෙන් වෙනස් කිරීමට ගත් තීරණය සම්බන්ධව රජයක් ලෙස ඉතාමත් අගය කරන බවයි.
වැඩිදුරටත් අදහස් දැක්වූ කැබිනට් ප්රකාශක අමාත්ය වෛද්ය නලින්ද ජයතිස්ස මහතා,
“කලාපයේ පවතින විවිද ප්රශ්න මැද මේ ඉන්දු – පකිස්තාන තරගය නොපැවැත්වීමේ තත්ත්වයක් තමයි තිබුණේ. මේකට රජය හැටියටත් පහුගිය දවස් කීපය පුරාවටම විවිධාකාර මැදිහත්වීම් සිදුකරා. එහි අවසන් ප්රතිඵලය හැටියට අපිට දැන් මේ තරගය පවත්වන්නට අවස්ථාව ලැබිලා තියෙනවා.
විශේෂයෙන්ම මේ වෙලාවේ ICC එක සහ අපේ ක්රිකට් ආයතනය වගේම මැදිහත් වෙච්ච කණ්ඩායම් කිහිපයක්ම හිටියා. ජනාධිපතිතුමා පාකිස්ථාන අගමැතිතුමා එක්ක දුරකතනයෙන් මේ පිළිබඳව විශේෂයෙන් සාකච්ඡාවක් කළා. ඒ පිළිබඳව පාකිස්තාන රජයත් මේ පිළිබඳව නිල වශයෙන් දැනුම්දීලා තිබෙනවා… රටක් හැටියට අපි සතුටු වෙනවා මේ දෙරට අතර තරගය ලංකාවේ පවත්වන්නට හැකි වීම ගැන. අනිත් පැත්තෙන් කලාපයේ රටවල් අතර සහයෝගීතාවය වර්ධනය කිරීමේදී ක්රිකට් ක්රීඩාව උපයෝගී කරගෙන රටවල් අතර මිත්රත්තවය, සහයෝගීතාවය වර්ධනය කිරීමේදී රටක් හැටියට අපිට මැදිහත් වීමට යම් හෝ අවස්ථාවක් ලැබෙනවානම් ඒක රජයක් හැටියට නොපිලිහෙළා ඉටු කරන්න අපි කටයුතු කරනවා. අපි ඒ සියලු කණ්ඩායම්වලට ආරාධනා කළේ ආරක්ෂාව සම්බන්ධව වගකීම අපි අරගෙන. උපරිම ආරක්ෂාව අපි ලබා දෙනවා.
පොලීසිය විශේෂ රථවාහන සැලැස්මක් ක්රියාත්මක කරලා තිබෙන්නේ. මම හිතනවා විශාල ප්රේක්ෂක සංඛ්යාවක් මේ තරගය නරඹන්නට පැමිණෙන්නට අපේක්ෂාවෙන් ඉන්නවා ඇති ඒ ගැනත් හිතලා තමයි විශේෂ රථවාහන සැලැස්ම ක්රියාත්මක කරන්නේ.”
Saru News
