ISI මූලස්ථානයේ පාකිස්තාන අග්‍රාමාත්‍ය ෂෙබාස් ෂරීෆ් සිදු කළ සංචාරයේ දී තම රට ඉදිරියේ දී කොයි යම් හෝ අවස්ථාවක දී ඉන්දියාව විසින් එල්ල කරනු ලබන ආක්‍රමණශීලී ක්‍රියා පිළිවෙතකට සූදානම් බව දැනුම්දී තිබෙනවා.
‘ද ඩවුන්’ පුවත් සේවය වාර්තා කළේ අගමැති ෂෙබාස් ෂරීෆ් අන්තර් සේවා බුද්ධි අංශ (ISI) මූලස්ථානයට පැමිණෙමින් පැවසුවේ ඉන්දියාව සමග පවතින දේශපාලනික ආතතීන් උත්සන්න වුව ද, තම රට කිසිදුය් ලෙසකයින් අවදානමක් ලබා නොගන්නා බවත්, පැමිණෙන ඕනෑම අභියෝගයකට මුහුණදීමට සූදානමින් පසුවන බවයි.
“පකිස්තානයේ නැගෙනහිර දේශසීමාව ඔස්සේ ඉන්දියාවේ වඩ වඩාත් ආක්‍රමණශීලී සහ ප්‍රකෝපකාරී ඉරියව්ව සැලකිල්ලට ගනිමින්, සාම්ප්‍රදායික තර්ජනයකට සූදානම කෙරෙහි විශේෂ අවධානයක් යොමු කරමින්, පවතින ආරක්ෂක පරිසරය පිළිබඳ සවිස්තරාත්මක විස්තරයක් මෙම සංචාරයට ඇතුළත් විය,” යනුවෙන් පාකිස්තාන අගමැති කාර්යාලය (PMO) නිකුත් කළ නිවේදනයක දැක්වෙනවා.
“සාම්ප්‍රදායික මිලිටරි විකල්ප, දෙමුහුන් යුද උපක්‍රම සහ ත්‍රස්තවාදී නියෝජිතයන් ඇතුළු කලාපීය ආරක්ෂක වර්ධනයන් සහ පරිණාමය වන තර්ජන අනුකෘතිය පිළිබඳව නායකත්වය විසින් දැනුවත් කරන ලදී” යනුවෙන් ද එම නිවේදනයේ සඳහන්.
අග්‍රාමාත්‍යවරයා සමඟ නියෝජ්‍ය අගමැති ඉෂාක් ඩාර්, ආරක්ෂක අමාත්‍ය කවාජා අසිෆ් සහ සේවා ප්‍රධානීන් සහභාගී වූ බවත් වාර්තා වනවා.
හමුදා මාණ්ඩලික ප්‍රධානී ජෙනරාල් අසීම් මුනීර්, නාවික මාණ්ඩලික ප්‍රධානී අද්මිරාල් නවීඩ් අෂ්රෆ් සහ ගුවන් හමුදා මාර්ෂල් සහීර් අහමඩ් බාබර් යන සේවා ප්‍රධානීන් දූත කණ්ඩායමේ කොටසක් වූ බව එම අවස්ථාවට නිකුත් කරන ලද සමූහ ඡායාරූපයක දැක්වෙනවා.
Saru FM Media
