ඉන්දියාව සහ ප්‍රංශය දෙරට අතර සිදු වන විශාලතම යුද ගිවිසුමකට අත්සන් තැබීමට නියමිතයි.
ඉන්දීය මාධ්‍ය වාර්තා කරන පරිදි අප්‍රේල් 28 වැනි දින රෆායෙල්- මැරීන් ප්‍රහාරක ජෙට් යානා සඳහා මෙලෙස දෙපාර්ශ්වය ගිවිසුම්ගත වීමට යෝජිත බවට වාර්තා වනවා.
ප්‍රංශ ආරක්ෂක අමාත්‍ය සෙබස්තියන් ලෙකෝර්නු ඉදිරියේ ඉන්දීය නාවික හමුදාව සඳහා රෆේල් මැරීන් ගුවන් යානා 26ක් විකිණීම සඳහා ඔවුන්ගේ විශාලතම ආරක්ෂක ගිවිසුමට අත්සන් කරනු ඇතැයි අපේක්ෂා කෙරෙන බවත් සඳහන් කරනවා.
රුපියල් කෝටි 63,000කට අධික කොන්ත්‍රාත්තුව අත්සන් කිරීමේදී ජ්‍යෙෂ්ඨ නිලධාරීන් දෙපාර්ශ්වය නියෝජනය කරන බවයි ඉන්දීය ආරක්ෂක ආරංචි මාර්ග පැවසුවේ.
මෙම උත්සවය දකුණු බ්ලොක් හි ආරක්ෂක අමාත්‍යාංශ මූලස්ථානයෙන් පිටත පැවැත්වීමට ද සැලසුම් කර ඇති බව ආරංචි මාර්ග පවසනවා.
ප්‍රංශ අමාත්‍යවරයා ඊයේ (20) පස්වරුවේ ඉන්දියාවට පැමිණ අද පස්වරුවේ සාකච්ඡා පවත්වා පිටත්ව ගොස් තිබෙනවා.
අප්‍රේල් 9 වන දින ඉන්දීය රජය ගිවිසුමක් යටතේ අගමැති නරේන්ද්‍ර මෝදිගේ නායකත්වයෙන් යුත් ආරක්ෂක පිළිබඳ කැබිනට් කමිටු රැස්වීමකදී ප්‍රංශය සමඟ රෆේල්-මැරීන් සටන් ගුවන් යානා 26ක් සඳහා ආරක්ෂක ගිවිසුමට එළැඹියා.
මෙම රජය-රජ කොන්ත්‍රාත්තුවට තනි ආසන 22ක් සහ ද්විත්ව ආසන ජෙට් යානා හතරක් මෙන්ම බලඇණි නඩත්තුව, සැපයුම් සහාය, පිරිස් පුහුණුව සහ දේශීය සංරචක නිෂ්පාදනය සඳහා පුළුල් පැකේජයක් ඇතුළත්.
මෙම ප්‍රහාරක යානා INS වික්‍රාන්ට් වෙතින් ක්‍රියාත්මක වන අතර පවතින මිග්-29 කේ බලඇණියට සහාය වනු ඇති.
Saru FM Media
