ඉන්දු – අමෙරිකානු වෙළෙඳ සාකච්ඡා මේ මස මුල දී ප්‍රකාශයට පත් කරන ලද බැවින් ඉදිරියේ දී දෙරට අතර ශක්තිමත් ආර්ථික ගමනක් යා හැකි බවට තමන් විශ්වාස කරන බව අමෙරිකානු ජනාධිපති ඩොනල්ඩ් ට්‍රම්ප් නිවේදනය කරනවා.
පසුගියදා අමෙරිකානු ජනාධිපතිවරයා ඉන්දියාවට පැනවූ බදු සම්බන්ධයෙන් ද මෙහිදී අදහස් දක්වමින් ඔහු සඳහන් කළේ අන්‍යෝන්‍ය බදුවලින් ඉන්දියාවෙන් සිදු කරන ආනයන සඳහා සියයට 26ක් නියම කර තිබූ බවයි.
ඉන්දියාව සමඟ වෙළඳ සාකච්ඡා “හොඳින් ඉදිරියට යන” බැවින් ඉදිරියේ දී දෙපාර්ශ්වය අතර ගිවිසුමක් ද ඇති වීමේ ප්‍රවණතාවක් ගැනත් ට්‍රම්ප් අදහස් පළ කර ඇති බව NDTV මාධ්‍ය වාර්තා කරනවා.
“ඉන්දියාව විශිෂ්ට ලෙස ඉදිරියට එනවා.අපි ඉන්දියාව සමඟ ගනුදෙනුවක් ඇති කර ගනීවි කියලා මම හිතනවා. ඔවුන්ට ගිවිසුමක් ඇති කර ගැනීමට අවශ්‍යයි.” යනුවෙන් ට්‍රම්ප් මිචිගන් හි පැවති ප්‍රාන්ත රැලියක් අමතමින් සඳහන් කර තිබෙනවා.
ආසියාවේ වෙළෙඳ හවුල්කාර රටවල් සමඟ සාකච්ඡා මෙහෙයවන භාණ්ඩාගාර ලේකම් ස්කොට් බෙසන්ට්, ජනාධිපති ට්‍රම්ප් විසින් තීරුබදු ඉහළ නැංවීමේ බහු වටයකින් ඇති වූ ගෝලීය වෙළෙඳ කැලඹීමෙන් පසුව, ඇමරිකාවේ වෙළෙඳ හවුල්කාර රටවල් සියල්ලටම පාහේ අන්‍යෝන්‍ය තීරුබදු ඇතුළුව, ඉන්දියාව සමඟ ගිවිසුමක් අත්සන් කරන පළමු අවස්ථාව මෙය බවට පත්ව ඇති බවයි.
ආනයන තීරුබදු සමතලා කිරීම සහ ඉන්දියාවට හිතකර වෙළඳ අසමතුලිතතාව පියවීම අරමුණු කරගත් ජනාධිපති ට්‍රම්ප්ගේ අන්‍යෝන්‍ය බදුවලින් ඉන්දියාවෙන් ආනයන සියයට 26ක් ලෙස ගණන් බලා තිබුණා.
එය දින 90ක් සඳහා සියයට 10 දක්වා පහත වැටී ඇති අතර චීනය හැර අනෙකුත් සියලුම වෙළඳ හවුල්කාර රටවලට එය අදාළ වනු ඇති.
එක්සත් ජනපදයට කරන අපනයන සඳහා සියයට 145ක තීරුබදු චීනයට හිමිවනු ඇති බවත් එහි සඳහන්.
Saru FM Media
