ඉදිරි පැය 36 සඳහා සාමාන්යය කාලගුණ අනාවැකිය කාලගුණ විද්යා දෙපාර්තමේන්තුව විසින් නිකුත් කර තිබේ.
එහි දැක්වෙන්නේ දිවයිනේ බොහෝ ප්රදේශවල වියළි කාලගුණික තත්ත්වයක් පවතින බවය.
මේ අතර කාලගුණ විද්යා දෙපාර්තමේන්තුව සඳහන් කරන්නේ, හෙට (30) දිනයේ නැගෙනහිර සහ ඌව පළාත්වලත් මාතලේ සහ නුවරඑළිය දිස්ත්රික්කවලත් වැසි වාර කිහිපයක් ඇතිවිය හැකි බවය.
උතුරු සහ උතුරු-මැද පළාත්වලත් හම්බන්තොට දිස්ත්රික්කයේත් වැසි ස්වල්පයක් ඇතිවිය හැකියි.
සබරගමුව පළාතෙත් කළුතර, ගාල්ල සහ මාතර දිස්ත්රික්කවලත් පස්වරු 4.00න් පසුව ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකියි.
බස්නාහිර, සබරගමුව, මධ්යම සහ වයඹ පළාත්වලත් බදුල්ල, ගාල්ල, මාතර සහ අනුරාධපුර දිස්ත්රික්කවලත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැක බව කාලගුණ විද්යා දෙපාර්තමේන්තුව පවසයි.
ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලා සිටී.
Saru News
