පැවති අධික වර්ෂාව හේතුවෙන් වී වගාව ඇතුළු අනෙකුත් බෝග වගාවන්ට සිදු වූ හානිය පිළිබඳ ගණනය කිරීමේ කටයුතු ආරම්භ කර ඇති බව කෘෂිකාර්මික හා ගොවිජන රක්ෂණ මණ්ඩලය පවසයි.
වී වගා කටයුතු මේ වන විට ආරම්භක අවධියේ පැවතීම හේතුවෙන් පැවති වර්ෂාපතන තත්ත්වයෙන් වී වගා හානි වාර්තා වී නොමැති බව එම මණ්ඩලය පැවසීය.
එමෙන්ම නොමිලේ රක්ෂණ ආවරණය ලබන අනිකුත් බෝග සඳහා සිදුවු හානිය පිළිබඳව මේ වන විටත් නිශ්චිතව වාර්තා වී නොමැති බව සඳහන්ය.
කෙසේවෙතත් මණ්ඩලයේ නිලධාරීන් තවදුරටත් ගොවි ජනතාව හා සම්බන්ධ වෙමින් වගාවන්ට සිදුවූ හානි පිළිබඳ තොරතුරු ලබාගෙන සහන සැලසීමට අදාළ වැඩසටහන් සකස් කරමින් සිටින බව කෘෂිකාර්මික හා ගොවිජනරක්ෂණ මණ්ඩලය සඳහන් කළේය.
Saru FM Media
